ФОТО: БНИУ-ын Ерөнхийлөгч Монгол Улсад Элчин сайдын яам байгуулах зарлиг гаргажээ

Түүнийг өнөөдөр УИХ-ын дарга З.Энхболд хүлээн авч уулзав. БНИУ-ын парламентын Сенатын танхимын ерөнхийлөгч Пьетро Грассо Монгол Улсад албан ёсоор айлчлахыг урьж элэгсэг дотноор хүлээн авч буйд нь УИХ-ын даргад талархал илэрхийлээд, Итали Улсад зохион байгуулагдсан АЕПТ-ийн наймдугаар уулзалтын буухиаг Монголын УИХ-д албан ёсоор дамжуулан өгөхөөр хүрэлцэн ирлээ гэв. Мөн хоёр орны хамтын ажиллагааг хөгжүүлэх, БНИУ-ын Элчин сайдын яамыг Монгол Улсад байгуулах ажилтай танилцах зэрэг  чухал зорилготой ирснээ хэллээ.

БНИУ-ын парламентын Сенатын танхимын ерөнхийлөгч Пьетро Грассо, "БНИУ-ын Ерөнхийлөгч Монгол Улсад Элчин сайдын яам байгуулах зарлиг гарган, энэ үүргийг туршлагатай дипломат ажилтан гүйцэтгэх болсон нь манай талаас хоёр орны харилцаа, хамтын ажиллагааг хөгжүүлэхэд ач холбогдол өгч байгаагийн бодит илрэл мөн. Маргааш болох Ази Епропын парламентын түншлэлийн есдүгээр уулзалтын хүрээнд  хоёр орны харилцаа, хамтын ажиллагааг хөгжүүлэх шинэ чиглэлийг нээнэ гэдэгт найдаж байна" хэмээв.