1 мин
Роналдуд хүчиндүүлэгчдийн тоо нэмэгдсээр
Кэтрин Майоргагийн өмгөөлөгчийн мэдэгдсэнээр Роналдуд хүчиндүүлсэн өөр 3 эмэгтэй түүнд хандсан гэнэ.
М.Сугар-Эрдэнэ
20 
11 
10 
Португалийн шигшээ багийн од Криштиану Роналдугийн замналын хамгийн хүнд үе ирээд байна. Энэ зун багаа сольж, Италийн "Ювентус"-т ирсэн түүнийг Америкийн 34 настай модель Кэтрин Майорга хүчингийн хэрэгт буруутгаад байгаа. Гэхдээ 9 жилийн өмнөх хэрэг юм.
Германы "Spiegel"-д бичсэнээр 2009 оны зургаадугаар сард Лас-Вегаст (Невада муж, АНУ) энэ үйл явдал болжээ. Роналду зочид буудалд залуу бүсгүйтэй танилцаж, буудлын өрөөндөө оруулан хүчиндсэн гэнэ. Кэтрин Цагдаагийн газарт гомдол гаргасан ч Роналдугийн өмгөөлөгчтэй тохиролцож, 375 мянган доллараар хэвлэл мэдээлэлд дэлгэхгүй гэсэн гэрээ байгуулсан байна. Харин 9 жилийн дараа тэр гэнэт хэргийг илчилж, шүүхээр заргалдахаар шийджээ.
Кэтрин Майоргагийн өмгөөлөгчийн мэдэгдсэнээр Роналдуд хүчиндүүлсэн өөр 3 эмэгтэй түүнд хандсан гэнэ. Тиймээс шинэ хохирогчид гарч ирж магадгүй болжээ.
Харин Роналду "Хэвлэл мэдээллийн өдөөсөн энэ жүжигт оролцохгүй" гэж мэдэгдсэн ч Шакил О’Нил, Майк Тайсон, Андре Агасси, Бруно Марс, Леонардо ДиКаприо, Пэрис Хилтон, Жейми Фокс, Майкл Жексоны гэрбүлтэй ажиллаж байсан өмгөөлөгч Дэвида Чесноффыг хөлслөн авсан байна.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа
М.Гэрэлмаа 