1 мин

Өмнөд Солонгосын BTS хамтлаг "Time" сэтгүүлийн нүүрийг чимлээ

Тэднийг "Шинэ үеийн манлайлагчид" хэмээсэн юм.

О.Анхзаяа 2018.10.11

Дөнгөж саяхан Time сэтгүүлийн зүгээс сэтгүүлийн шинэ нүүр зургийг хүмүүст сонирхуулсан ба тэр нь олон сая хүнийг баярлуулаад байгаа юм. Энэ бол Солонгосын алдарт "BTS" хамтлаг!

Time сэтгүүлийн зүгээс тэднийг "Шинэ үеийн манлайлагчид" хэмээн онцолсон бөгөөд Килиан Мбаппе, Ариана Гранде, Их Британийн модель Адвоа Абоах нартай зэрэгцэн жагсаад байгаа юм.

Тэд дэлхий даяар алдар нэрээ түгээхийн тулд заавал англи хэлээр дуулсан байх албагүй гэдгийн баталгаа болж байна хэмээн хүмүүс ярьцгааж байна. Мөн наймдугаар сард тэд UK чартын шилдэгт багтсан анхны Солонгос хамтлаг болсон гэдгийг ч мартах аргагүй юм. Тэд үнэхээр дэлхийг байлдан дагуулж байна.

НҮБ-д үг хэлсэн явдал нь тэдний хувьд дэлхийд илүү ихээр танигдах боломж болж өгсөн юм. Тэд одоо баруунд маш алдартай болсон ба хэдийн тасалбар нь зарагдаж дууссан хэдэн арван тоглолтондоо бэлдэж байна.