Өнөөдөр 50 нас хүрсэн Хью Жекманы шилдэг дүрүүд
Тэгш ойг нь тохиолдуулдан түүний шилдэг дүрүүдийг танилцуулья.
Холливудын од, Австралийн жүжигчин Хью Жекман өнөөдөр 50 нас хүрч байна. Тэгш ойг нь тохиолдуулдан түүний шилдэг дүрүүдийг танилцуулья.
Мэдээж түүнийг дэлхий дахинд алдаршуулсан мутант Логанаас эхэлж байна.
"Swordfish" триллерт Жекман хакерийн дүр бүтээсэн. Түүнтэй хамт энэ кинонд Жон Траволта, Холли Берри тогложээ.
Романтик инээдмийн "Kate & Leopold" кинонд тэр цаг үеэ "андуурсан" ханхүү Леопольдийн дүрийг бүтээж, "Алтан бөмбөрцөг" шагналд нэр дэвшсэн.
Гэхдээ түүнд супер баатрын дүр илүү зохидог. 2004 онд Хью вампирийн ангууч Ван Хельсинг болсон.
Даррен Аронофски найруулагчийн " The Fountain" кинонд нэг зэрэг 4 дүр бүтээсэн.
Кристофер Ноланы "The Prestige" киноны илбэчин Роберт Энжиерийн дүрээр "Оскар"-т нэр дэвшсэн билээ.
Баз Лурман найруулагчийн түүхэн кино "Австрали"-д тоглосон.
2012 онд "Les Misérables" мюзиклд цөллөгийн ялтан Жан Вальжаны дүрийг тун сайн гаргасан.
Дени Вильнёвийн "Prisoners" кинонд тэр сэтгэл зүйн хүнд дүр ч бүтээж чаддагаа харуулсан.
Жекман ихэнхдээ сайн талын баатар болдог ч 2015 онд "Pan" үлгэрт хорон санаат дээрэмчний дүрд хувилсан.
"Chappie" кинонд байлдааны робот зохион бүтээдэг Винсентийн дүрд тоглосон.
"The Greatest Showman" кинонд XIX зууны шоу бизнесийн алдарт зүтгэлтэн Финеас Барнум болон хувирсан юм.