1 мин
BTS-ийн Жиминтэй адилхан харагдахын тулд 100 мянган доллар зарцуулжээ
“BTS”-ийн “Fake Love” дууны видеог үзсэнээр Оли Лондон анх удаа мэс засалд орж хамрын хэлбэрээ өөрчлүүлсэн байна.
Ub.life
2 
2 
1 
Английн иргэн 28 настай Оли Лондон алдарт “BTS” хамтлагийн дуучин Жиминтэй ижил царайтай болохын тулд бараг 100 мянган доллар зарцуулжээ. Тэрбээр БНСУ-д амьдарч байхдаа 2013 онд “BTS” хамтлагийг олж мэдээд фен нь болсон байна. Хамтлагийнхныг тэр үнэхээр хосгүй, төгс хүмүүс гэж тодотгожээ.
Тэрээр “Barcroft TV”-д өгсөн ярилцлагадаа “Солонгост байхдаа тэдний тоглолтыг үзээд уулга алдаж байлаа” гэж ярьжээ. Улмаар Жиминий булцгар хацар, хөөрхөн инээмсэглэл нь таалагдаж тийм царайтай болохыг хүсэх болжээ.
“Би амьдралаа K-pop хөгжимгүй төсөөлөхөө больж “BTS”-ийн гоцлол дуучин Жимин шиг төгс болохыг хүссэн. Түүний хоолой, уруул, биеийн галбир гээд бүх зүйл нь гайхалтай” гэж Лондон хэлсэн юм.
“BTS”-ийн “Fake Love” дууны видеог үзсэнээр Оли Лондон анх удаа мэс засалд орж хамрын хэлбэрээ өөрчлүүлсэн байна.
Нийтдээ давхраа өөрчлөх, ирүүний хэлбэр өөрчлөх, хацартаа өөх шахуулах, урууландаа төдийгүй нүүрний хэд хэдэн газартаа ботокс шахуулсан тухайгаа Оли “Daily Mail”-д ярьжээ. Ингээд энэ бүхний төлбөрт тэр 100 мянган орчим доллар зарцуулсан аж. Нэгэнт Ази хүн болж чадахгүй ч, харагдах байдлаа ямар ч гэсэн ингэж өөрчилсөндөө сэтгэл хангалуун байна гэж тэр нэмж хэлжээ.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
М.Сугар-Эрдэнэ
О.Анхзаяа