1 мин

Конор МакГрегор ирэх жилийн 3-р сард тулалдана

Гуравдугаар сарын 17 бол Гэгээн Патрикийн өдөр. Гэгээн Патрикийн өдрийн өмнө том тулаан хийх болно

М.Сугар-Эрдэнэ 2018.10.15 23 19 10

30

Ирландын тулаанч Конор МакГрегор сүүлийн тулаандаа ОХУ-ын Хабиб Нурмагомедовт ялагдсан билээ. Түүний цаашдын хувь заяаны талаар олон янзын мэдээлэл гарч байсан  ч Конорын дасгалжуулагч энэ талаар тайлбар өгч, элдэв цуу ярианд цэг хатгалаа. 

Жон Кавана өчигдөр Нью-Йоркт болсон Bellator холбооны хүнд жингийн Гран При тэмцээнийг үзэж сонирхсон. Энэ үеэрээ сэтгүүлчдэд  "Бид октагонд ирэх онд эргэн ирэхээр төлөвлөж байгаа. Гуравдугаар сарын 16-нд тулалдана. Өрсөлдөгч Хабиб байна уу, өөр тулаанч байна уу бидэнд хамаа алга. Гуравдугаар сарын 17 бол Гэгээн Патрикийн өдөр. Гэгээн Патрикийн өдрийн өмнө том тулаан хийх болно" гэж ярьсан байна. 
Харин Хабиб Нурмагомедов олон нийтийн сүлжээгээр мэргэжлийн боксын домог Флойд Мейведерийг халз тулаанд дуудсан. Хабиб "Флойд, урагшаа. Би тулаанд бэлэн байна. 50-0, 27-0. Бид хэн хэн нь ялагдаж байгаагүй. Яагаад үгүй гэж? Үзэлцье. Энэ ширэнгэн ойд ганцхан Хаан байх ёстой. Тэр нь би" гэж бичсэн байлаа.

М.Сугар-Эрдэнэ 2018.10.15

30