2 мин

Цүкижи зах хаагдаж, Токиод нэгэн түүх өндөрлөлөө

Цүкүжи захын алтан жад загасны худалдаа Токио хотын нэгэн брэнд байлаа.

М.Сугар-Эрдэнэ 2018.10.15 36 35 29

8

Энэ сард Японы нийгэмд болсон хамгийн том үйл явдал нь загасны Цүкижи зах хаагдсан явдал байлаа гэхэд хилсдэхгүй. Энэ бол Токио хотын түүх, соёлын нэгэн том дурсгалт газар байлаа. Гадаад дотоодын жуулчдын үзэх дуртай байсан Цүкижи ийнхүү түүх болон үлдлээ. 

Цүкижи 83 жил үйл ажиллагаа явуулсан бөгөөд мэдээж тэнд үе дамжин ажиллаж ирсэн улсууд захаа хаалгахыг хүсээгүй.  Гэвч Токио хотын захиргаа 2020 оны олимпийн наадмаас өмнө хотоо цэвэрлэхээр хатуу шийдсэн юм. Захын байран дээр асар том машины зогсоол барих гэнэ. 

Цүкижи захын алтан жад загасны худалдаа Токио хотын нэгэн брэнд байлаа. Энэ худалдааг харах гэж гадаадын жуулчид үүрийн 4 цагт энд ирдэг байв. 

Есдүгээр сарын 29-нд Цүкүжи жуулчдын хөдөлгөөнийг хааж, энэ сарын 6-нд үйл ажиллагаагаа бүрэн зогсоосон. 

Цүкижи 1935 онд байгуулагдсан. 

Загасны бөөний худалдааны захаа Токио хот бүрмөсөн хаагаагүй. Тоёосү дүүрэгт нээгдсэн шинэ захруу нүүсэн юм. 

Францын алдарт тогооч Лионель Бекка "Цүкижи захын гол зүйл бол загас биш наймаачид нь" гэж хэлж байлаа. 

Цүкижид хөлний хурд ашиг орлогын хэмжээг тодорхойлно. 

Хуучин Цүкүжиг хаах болсон нь ариун цэврийн асуудалтай ч холбоотой байлаа. Захыг хаахад 3000 гаруй хулгана, харх тэнд үлдсэн. Идэх хоолгүй болсон хулгана ойролцоох дүүрэг рүү нүүж, оршин суугчид түгшүүр зарлаад байна. 

Мэдээж Цүкижиг хаахыг эсэргүүцсэн хүн олон байсан. Гэвч амжилт олоогүй. 

Тоёосү шинэ зах 11-ний өдрөөс ажиллаж эхэлсэн. Замын хөдөлгөөнийг сайн тооцоолоогүйн улмаас түгжрээ үүсэж, тус захаас бараагаа авдаг дэлгүүр, рестораны үйл ажиллагаа доголдсон. Цүкижи зах нэг талдаа далайтай байсан бол шинэ зах 3 талаасаа далайгаар хүрээлэгдсэн. Тиймээс өглөө бараа татах үеэр маш их түгжрэл үүссэн. Мөн өмнө нь Токиогийн хийн компани байрлаж байсан газарт баригдсан тул хөрсний бохирдолтой гэсэн яриа ч байна.

М.Сугар-Эрдэнэ 2018.10.15

8