1 мин

Түгжрэлтэй үед шар тэмдэглэгээн дээр зогсвол торгоно

Замын хөдөлгөөний ачааллыг бууруулах зорилготой.

Э.Намуун 2018.10.15 19 12 11

“Yellow box” буюу шар дөрвөлжин тэмдэглэгээ нь замын хөдөл­гөө­ний дүрмийг биелүүлэх, дүрэм зөрчсөн жолоо­чид торгууль оногдуулах, уулз­варт түрүүлж ороод түгжрэл үүсгэдэг асуудлыг цэгцлэхэд чухал үүрэг гүйцэтгэх юм байна. Өөрөөр хэлбэл, Шар дөрвөлжин бол Монгол Улсын Замын хөдөлгөөний шинэчилсэн дүрэмд заасан уулзвар дээр тавигдах тэмдэглэл. Хөндлөн замаас ойртон ирсэн тээврийн хэрэгсэл түгжрэл үүссэн үед орохыг хориглосон шар тэмдэглэгээ аж. Уулзварын цаана түгжрэлтэй байхад ногоон гэрэл ассан байсан ч араас нь орохыг хориглоно. 

Замын хөдөлгөөний ачааллыг бууруулах зорилгоор ажлын болон ажлын бус цагаар байнга ачаалалтай байдаг уулзваруудад “Yellow box” буюу шар дөрвөлжин тэмдэглэгээ хийх ажлыг “Улаанбаатар зам засвар, арчлалтын газар” ОНӨААТҮГ гүйцэтгэж байгаа аж. Эхний ээлжинд “Цэцэг" төв, Ус, цаг уур, орчны судалгаа, мэдээллийн төв, МУБИС болон Төв музейн уулзварт шар дөрвөлжин тэмдэглэгээг хийхээр төлөвлөж байна. Одоогийн байдлаар “Цэцэг” төв, МУБИС-ийн уулзварт хийж дуусаад байна гэж “Улаанбаатар зам засвар, арчлалтын газар” ОНӨААТҮГ-аас мэдээллээ.

Э.Намуун 2018.10.15