Судалгаа: Монголчуудын нас баралтын 10 шалтгаан

Хүн амын дундаж наслалтад нөлөөлдөг хамгийн чухал хүчин зүйл бол тухайн улсын эрүүл мэндийн систем. Тэгвэл иргэдийнх нь дундаж орлого өндөр улсын хүмүүс урт наслаж байгааг судалгаа харуулжээ. 

 

"Энэ судалгаагаар Испани улс 2040 он гэхэд хамгийн өндөр дундаж наслалттайгаар Япон улсын урд орох төлөвтэй байна гэжээ. Испаничуудын дундаж наслалт 85.8, Япон улсынх 85.7, Сингапур улсынх 85.4, Швейцар улсынх 85.2 байх төлөвтэй байна" гэж CNN мэдээлжээ. 

 

 

 

Дэлхийн эрүүл мэндийн байгууллагын мэдээгээр Монгол Улсын хүн амын нас баралтын 50 шалтгааныг нэрлэснээс эхний 10 шалтгааныг та бүхэнд хүргэе. Үүнд зүрхний титэм судасны нарийсал, цус харвалт, элэгний хорт хавдар, элэгний өвчлөл, сүрьеэ, амиа хорлолт, ходоодны хорт хавдар, уушгины хорт хавдар, зам тээврийн осол, улаан хоолойн хорт хавдар оржээ. Үлдсэн 40 шалтгаан болон бусад мэдээллийг харахыг хүсвэл ЭНЭ хуудсаар зочлоорой.

 

 

Харин АНУ-ын дундаж наслалт буурах төлөвтэй дүр зураг харагджээ. АНУ 2016 онд 43-т байсан бол 2040 онд энэ байрнаасаа буурч 64-т орох нь. Америкчуудын дундаж наслалт 79.8 болох ба энэ нь мансууруулах бодисын хэрэглээ болон хэт таргалалттай холбоотой аж. 2016 онд гэхэд АНУ-д  63 мянган хүн мансууруулах бодис хэтрүүлэн хэрэглэнээс болж нас барчээ. Мөн судалгаагаар 10 насанд хүрсэн хүн тутмын 4, хүүхдүүдийн 18.5 хувь нь хэт таргалалттай байгааг судалгаанд дурдсан байна. 

 

"Эрүүл Мэндийн Үнэлгээний Институт" -ын дарга Кайл Форман "Тухайн улс орны эрүүл мэндийн салбарын хөгжил хэр байгаагаас наслалтын дундаж хугацаа хамаарна” гэж хэлснээс харахад Испани улсын дундаж наслалт өндөр байх нь аргагүй. Испани нь татварт суурилсан эрүүл мэндийн систем бүхий Европийн цөөн орны нэг. Дэлхийн Эрүүл Мэндийн байгууллагын судалгаанаас харахад Испанийн эрүүл мэндийн систем дэлхийд долоодугаар байрт ордог аж. 

 

Судалгааны дүнгээр дэлхийн хүн амын эрүүл мэндэд аюулын харанга дэлдэж байгаа өвчний тоонд чихрийн шижин, ХДХВ, хорт хавдар зэргийг нэрлэжээ. Мөн эрт нас баралтын шалтгаанд цусны даралт ихсэх, биеийн жингийн хэт илүүдэл, цусан дахь сахарын хэмжээ ихсэх, архи тамхины хэрэглээ гэдгийг судлаачид хэлжээ.