1 мин

Дарима Линховоин: Г.Ариунбаатар гомдчихсон, гэхдээ театртаа үлдэж болно

Одоо манай дуучин хаана, ямар тайзан дээр дуулах нь тодорхой бус байгаа юм.

М.Сугар-Эрдэнэ 2018.10.31 42 38 16

9

Манай дуурийн дуучин Г.Ариунбаатар Буриадын Дуурь, бүжгийн академик театраас албан ёсоор гараагүй ч  буцаж очоогүй байгаа гэнэ. 
Буриадын Дуурь, бүжгийн академик театрийн захирлыг халсан шуугиан түүний багш ОХУ-ын Ардын жүжигчин Дарима Линховоинийг дайрсан нь түүнийг гомдоосон. Ялангуяа Буриадын тэргүүн Алексей Цыденов монголчууд манай театрт хэт олон байна, цалин өндөртэй гэсэн нь бүр уурыг нь хүргэсэн биз ээ. Одоо манай дуучин хаана, ямар тайзан дээр дуулах нь тодорхой бус байгаа юм.  

Энэ талаар түүний багш Ардын жүжигчин Дарима Линховоин “АРД” агентлагт ярилцлага өгөхдөө “Г.Ариунбаатар эндээ Буриадад дуулж болно. Гэхдээ түүний гомдол тасраагүй байгаа. Би түүнийг үлд гэсэн ч тэр “Буриадууд өөрсдөө дуулаг” гэж хэлсэн. Одоо Г.Ариунбаатар Хятадад байгаа. Удахгүй тэнд найрал хөгжимтэй тоглоно. 11 дүгээр сард бид хоёр Санкт-Петербургт алдарт Валерий Гергиевтэй уулзана. Тэнд ОХУ-ын Соёлын форум болох юм. Валерий Гергиев өөрөө энэ форум дээр Г.Ариунбаатар дуулах ёстой гэж хэлсэн. Тэр Ариунбаатарыг Мариинскийн театрт дуулуулах хүсэлтэй байгаа. 2019 онд Г.Ариунбаатар Испанид “Фальстаф” дууринд тоглоно. Энэ бүх ажилдаа бэлтгэх хэрэгтэй. Харин дуучны сэтгэл санаа бэлтгэлд их чухал. Г.Ариунбаатар намайг Улаанбаатарт ирээч гэсэн. Яагаад гэвэл Улаан-Үдэд байдал хэцүү байгаа” гэж ярьжээ.

М.Сугар-Эрдэнэ 2018.10.31

9