Бокс: Эмэгтэйчүүдийн ДАШТ Улаан-Үдэд болно
Улаан-Үдийн “Физкультурно-спортивный комплекс” цогцолборт ирэх жилийн 10-р сард явагдах юм.
ОХУ-ын нийслэл Москвад болж байгаа AIBA-гийн Гүйцэтгэх зөвлөлийн хуралдаанаас 2019 оны эмэгтэйчүүдийн ДАШТ-ийг зохион байгуулах эрхийг Буриадын Улаан-Үд хотод өглөө.
ДАШТ Улаан-Үдийн “Физкультурно-спортивный комплекс” цогцолборт ирэх жилийн 10-р сард явагдах юм.
ОХУ-ын Боксын холбооны Ерөнхий нарийн бичгийн дарга Умар Кремлёв “Бид их баяртай байна. Буриад улс тэмцээнийг хамгийн дээд түвшинд зохион байгуулна гэдэгт итгэлтэй байна. Эрэгтэйчүүдийн ДАШТ ч ОХУ-д явагдах болохоор энэ эрхийг авах тун хэцүү байлаа. Гэвч AIBA бидэнд итгэл хүлээлгэсэн” гэж сэтгүүлчдэд мэдэгдлээ.
2019 оны эрэгтэйчүүдийн боксын ДАШТ Сочи хотод болно.