Зохиолч Чинагийн Галсан Тувагийн Төрийн одонгоор шагнууллаа
Ч.Галсан Монголд тува иргэдийн эрх ашгийн төлөө тэмцдэг гэж хэлсэн байна.
ОХУ-ын Тувагийн Төрийн ордонд шагнал гардуулах ёслол боллоо. Ард түмний эв нэгдлийн өдөрт зориулсан тус арга хэмжээнд Тувагийн тэргүүн Шолбан Кара-оол, Их хурлын дарга Кан-оол Даваа нар оролцлоо.
Манай зохиолч Чинагийн Галсан Тувагийн Төрийн одон хүртэв. Шолбан Кара-оол шагнал гардуулах ёслол дээр “Дэлхийд алдартай зохиолчид энэ шагналыг гардуулж байгаадаа баяртай байна. Ч.Галсан бол Баян-Өлгий аймгийн уугуул ч Германд олон жил амьдарч, уран бүтээлээ туурвиж байна. Тэр бол тува хүн. Түүний зохиолтой тува уншигчид “Улуг-Хем” цувралаар танилцсан билээ. Ч.Галсан Монголд тува иргэдийн эрх ашгийн төлөө тэмцдэг. 2001 онд Ч.Галсан Төв аймгаас Баян-Өлгий аймаг руу тэмээн жин хөдөлгөж байлаа. Түүний мөнгөөр авсан 140 тэмээ 30 тува өрхийг Баян-Өлгийд нүүж очин, хамаатан садантайгаа уулзахад тус дэм болсон” гэж хэлсэн байна.