Дарья Белодед Украин улсын Гавьяат тамирчин боллоо
Дарья Белодед энэ жил идэрчүүдийн ДАШТ, Европын Цом, Grand Prix, Grand Slam цуврал тэмцээнүүдэд түрүүлсэн юм.
Украины Спортын сайд Игорь Жданов жүдо бөхийн дэлхийн аварга Дарья Белодед, теннисчин Элина Свитолина нарт Украин улсын гавьяат тамирчин цол олголоо.
Дарья дэлхийн аварга хэмээх хүндтэй цолыг 17 насандаа хүртэж, жүдо бөхийн түүхэн дэх хамгийн залуу дэлхийн аварга болсон гавьяа нь ийнхүү үнэлэгджээ. Дарья Белодед энэ жил идэрчүүдийн ДАШТ, Европын Цом, Grand Prix, Grand Slam цуврал тэмцээнүүдэд түрүүлсэн юм.
Харин 24 настай Элина Сингапурт болсон WTA-гийн финалын тэмцээнд түрүүлж, дэлхийн чансаанд 4-т бичигдсэн байна.