SHINee хамтлагийн Onew 12 сард цэрэгт явна
Onew 1989 онд төрсөн бөгөөд SHINee хамтлагийн ахлагч.
Өмнөд Солонгосын хөвгүүдийн SHINee хамтлагийн дуучин Onew ирэх сард цэрэгт явахаар болжээ. “SM Entertainment” агентлагийн мэдээлснээр Onew 12-р сарын 10-нд армид алба хаахаар явна.
“Тэр элдэв шуугиангүй цэрэгт явахыг хүссэн тул бид үдэн гаргалтын тусгай арга хэмжээ зохион байгуулахгүй. Хаана, ямар ангид татагдахыг мэдээлэхгүй” гэж мэдээнд дурджээ.
Onew 1989 онд төрсөн бөгөөд SHINee хамтлагийн ахлагч. Мөн хамгийн ахмад гишүүн нь юм. Тиймээс тэр хамгийн түрүүнд цэрэгт явж байна. 2008 онд байгуулагдсан тус хамтлаг энэ жил 10 жилийн ойгоо тэмдэглэсэн билээ.