ОХУ гахайн халдварт өвчний улмаас Хятадтай залгаа хил дээр онц байдал зарлалаа
Өнөөдрийн байдлаар Хятадад 11 мужийн 56 газарт энэ өвчин гараад байгаа юм.
БНХАУ-д есдүгээр сард гарсан гахайн африк мялзан өвчин улам бүр тархсаар байна. Тиймээс ОХУ-ын Байгалийн хязгаараас Хятадтай залгаа хил дээр онц байдал зарлажээ. Хятадаас орж ирж байгаа машин, хүнсний зүйл болон жуулчдын гар ачааг ч нарийн шалгаж, сэжигтэй зүйл гарвал хураан авч байна.
ОХУ-ын Хөдөө аж ахуйн хяналтын газраас "Манай улсад гахайн африк мялзан өвчин орж ирэх аюул бүрдээд байна. Маш чанга арга хэмжээ авч байж, урьдчилан сэргийлж чадна" гэж мэдэгдсэн байна.
Өнөөдрийн байдлаар Хятадад 11 мужийн 56 газарт энэ өвчин гараад байгаа юм. Ялангуяа Байгалийн хязгаартай хил залгаа Өвөрмонголд гахайн африк мялзан өвчин гарсан тул ОХУ-ын Хөдөө аж ахуйн хяналтын газар ихэд түгшиж байна.