Ядуу сурагчаа доромжилсон багш халагджээ
Мөн чи айлын өргөмөл хүүхэд үү гэхэд сурагчид инээлдэн, харин охин эхэр татан уйлж байх аж.
ОХУ-ын Сахалин мужийн Холмск хотын нэгэн сургуулийн орос хэл, утга зохиолын багш сурагчаа муухай хувцаслалаа гэж доромжилж байгаа бичлэг цахим ертөнцөөр тарсан билээ. Бичлэгээс харахад багш сурагч охиныг цоорхой цамцтай ирлээ гэж уурлан, ангийнхных нь өмнө ядуу зүдүүгээр нь дуудаж байгаа нь харагдаж байна. Мөн чи айлын өргөмөл хүүхэд үү гэхэд сурагчид инээлдэн, харин охин эхэр татан уйлж байх аж.
Бичлэг гарсны дараа Мужийн Прокурорын газраас хэргийг мөрдөн шалгасан байна. Дүүргийн боловсролын газрын дарга Татьяна Карнаух "62 настай ахмад багштай бид ярилцсан. Багш буруугаа хүлээж, хүүхдүүдийн өмнө уучлал гуйсан. Тэгээд халагдах өргөдлөө өгснийг бид хүлээн авсан" гэж сэтгүүлчдэд мэдэгдлээ.
Удахгүй Холмск хотын сургуулийн захирлуудтай уулзалт хийж, дахин ийм явдал гаргахгүй байх талаар сургалт явуулах гэнэ.