1 мин
Новосибирск Монголд амьтан чандарлах зуух нийлүүлнэ
Чандарлах зуух нийлүүлэх хугацаа, хэмжээг тохиролцож байгаа гэнэ.
"ОХУ-ын Новосибирск хот Монголд амьтан чандарлах зуух (крематор) нийлүүлэхээр боллоо" гэж ТАСС агентлаг мэдээллээ. Мэдээнд дурдсанаар тус хотын "Сенгикс" компани Новосибирск хотод саяхан болсон "Азиатские встречи" форумын үеэр Монголын талтай гэрээ байгуулсан байна.
Новосибирск хотын Аж үйлдвэр, инновацийн газрын дарга Александр Люлько "Монгол улс 70 сая малтай. Үхсэн амьтны сэг зэмийг цэвэрлэх асуудал Монголд тун хурцадмал байгаа. Чандарлах зуух нийлүүлэх хугацаа, хэмжээг тохиролцож байгаа" гэж ТАСС агентлагт ярилцлага өгөхдөө хэлсэн байна.