3 настай охиноо дагуулан, экстрим аялал хийж яваа норвеги эр
Норвегийн оргилуудын нэг болох 2200 метр өндөр Снохетта ууланд ч хамтдаа авирсан байна.
Александр Рид хэмээх норвеги эр 3 настай охин Минагаа дагуулаад Норвегийн хойд бүс нутгаар экстрим аялал хийж явна. Уул хад, гол мөрөн ихтэй, хахир хүйтэн газар тул экстрим гэж хэлэхээс өөр арга байхгүй. Тэд 5 дахь сардаа явган аялаж байгаа бөгөөд энэ хугацаанд 450 км зам туулжээ. Норвегийн оргилуудын нэг болох 2200 метр өндөр Снохетта ууланд ч хамтдаа авирсан байна.
Энэ оны эхээр Рид ажлаасаа халагджээ. Харин тэр гуниглаж гэртээ суулгүй, охиноо дагуулаад аялалд гарсан юм.
Александр цэргийн хүн байсан тул явган аялах түүнд хэцүү зүйл биш. Тэр охиноо чарганд суулгаад чирж явна.
Энэ 5 сарын турш Мина байгаль дэлхийн талаар олон зүйл сурсан. Загас барьж чаддаг болсон гэж байгаа.
Ридийн үүргэвч 40 кг жинтэй. Дотор нь хүнс, түлш, майхан болон хүүхдийн живх, үлгэрийн ном байдаг.
"Би ухаан орсон цагаасаа л ууланд аялдаг байсан. Ээж минь намайг хөлд ороход л ууланд дагуулаад явсан. Энэ бол манай гэрбүлийн амьдралын хэв маяг" гэж Рид ярьж байна.
Уулын оргилд ч бяцхан Мина хүүхэлдэйнээсээ салдаггүй.
"Охинтойгоо ууланд аялах үнэхээр сайхан. Мина байгаль орчноо хараад аз жаргалтай байгаа нь харагддаг. Тэр энэ аяллаар маш олон зүйл мэдэж авсан. Заримдаа хад асга руу заагаад "Аав аа, тэнд аюултай. өөр замаар явья" гэж хэлдэг"
"Жаахан охиноо уул хадан дунд унахгүйг хичээн, нямбай авирч байгааг харахад тэр их юм сурсан нь мэдэгддэг"
Минагийн ээж мэс заслын эмч тул зав зай муутай. Гэхдээ тэр тохиролцсон газарт тэдэнтэйгээ уулзаж, хэрэгцээтэй зүйлээр хангадаг.
Ирэх нэгдүгээр сард тэдний гэрбүлд хоёр дахь хүүхэд нь мэндэлнэ.
Александр хүүхдээ 4 сар хүрэнгүүт аваад урт хугацааны аялалд гарахаар шийдсэн гэнэ.