Видео: Хөлөө хугалсан япон тамирчин мөлхсөөр барианд орлоо
Айдагийн ард цусан зам үлдэнэ. Хатуу зам дээр мөлхөж байгаа тул хоёр өвдөг нь зулгарч, цус асгарчээ.
Бууж өгөх амархан. Харин ямар ч аймшигтай зүйл тохиолдсон ч бууж өгөлгүй тэмцэх нь хүний жинхэнэ чанарыг таниулдаг зүйл юм. Өнгөрсөн сард Японд болсон буухиа гүйлтийн тэмцээний үеэр 19 настай оюутан охин Рэй Айда сэтгэлийн хүч ямар байдгийг даян дэлхийд яруу тод харууллаа.
Рэй Айда Экиден буюу Японы уламжлалт гүйлтийн тэмцээнд оролцсон. Энэхүү тэмцээн нь багууд буухиа гүйлтээр өрсөлддөг бөгөөд япончуудын хамгийн үзэх дуртай спортын төрлийн нэг юм.
Фүкүокад 10-р сарын 21-нд явагдсан Экиден тэмцээнд 27 баг оролцож, 14 нь Японы АШТ-ий финалын шатанд шалгарах ёстой байлаа.
Айда буухиагаа 35 дахь км дээр авч, гүйж байгаад өрсөлдөгчдөө түлхүүлээд унасан юм. Хөл нь гишгэж болохгүй байсан тул тэр дөрвөн хөллөн мөлхлөө. Бариа хүртэл 200 метр дутуу. Багийн анддаа буухиагаа дамжуулахгүй бол баг нь хасагдана. Ингээд л эр зоригтой япон охин мөлхөөд байлаа.
Бариан дээр хүлээж зогсох багийн нөхөр нь нулимс асгаруулан хүлээсээр. Айдагийн ард цусан зам үлдэнэ. Хатуу зам дээр мөлхөж байгаа тул хоёр өвдөг нь зулгарч, цус асгарчээ. Ямар ч гэсэн тэр мөлхсөөр барианд орж, буухиагаа дамжуулж чадсан. Үзэгчид алга ташин, ихэнх нь нүдэндээ нулимстай.
Тэмцээний дараа эмнэлгийн үзлэгээр Рэй Айдагийн хөл хугарсан байсан нь тогтоогдсон юм.
Айда одоо эмнэлэгт хэвтэж байгаа бөгөөд 3 сарын дараа л явч чадах гэнэ.