1 мин

Хөлбөмбөг: Тайвань - Монгол 2:1

"Талын хөх чононууд" маань оноо авч чадсангүй.

М.Сугар-Эрдэнэ 2018.11.14 39 27 22

3

Зүүн Азийн АШТ-ий хоёрдугаар шатанд анх удаа өрсөлдөж байгаа Монголын шигшээ баг өчигдөр тэмцээний хоёр дахь тоглолтоо талбайн эзэн Тайваний эсрэг хийлээ.

Манай шигшээ энэ тоглолтод заавал оноо авч байж, хоёрдугаар шатанд шалгарах боломжоо хадгалан үлдэх байсан ч тоглолтын үр дүн ялангуяа эхний 10 минут хүссэн шиг байсангүй.

Тодруулбал, Тайваний шигшээ багийн турк гаралтай довтлогч Онур Доган 8, 10 дахь минутад дараалан гоол оруулан, зохион байгуулагч орны баг 2:1-ээр Монголын шигшээг хожсон юм.

Зүүн Азийн АШТ-ий нэгдүгээр шатны шилдэг тоглогч Н.Цэдэнбал тоглолтын 62 дахь минутад өөрийн нэрийн хуудас болсон хүчтэй цохилтоор тооны харьцааг 2-1 болгосон ч "Талын хөх чононууд" маань оноо авч чадсангүй.

Сүүлийн тоглолтод Хонконгийн багийг хожоод ч хоёрдугаар шатны баг болж чадахгүй ч олон улсын тавцанд хийж буй тоглолт бүр манай залууст туршлага болон үлдэж байгаа нь дамжиггүй гэж Монголын хөлбөмбөгийн холбооноос мэдээллээ. 

М.Сугар-Эрдэнэ 2018.11.14

3