Польшийн рок наадмыг доргиосон өвөрмонгол хамтлаг
Энэ жилийн наадмын гол од нь Өвөрмонголын "Есөн Эрдэнэ" фольк рок хамтлаг байсан
Жил бүр Польшид "Przystanek Woodstock" рок наадам зохиогддог уламжлалтай. 1995 оноос эхлэн явагдаж байгаа тус наадмыг Европын задгай талбай дахь хамгийн том наадам гэж үздэг байна. Алдарт Вудскок наадмын нэрийг авсан энэ наадмын уриа нь "Хайр, найрамдал ба хөгжим".
Жил бүр тус наадамд 30 хамтлаг оролцдог бөгөөд IRA, Myslovitz, Dżem, Acid Drinkers, 2TM2,3, The Stranglers, Papa Roach, The Prodigy, Guano Apes, Kontrust, Clawfinger, Найжел Кеннеди, Sabaton, Gentleman, Undrop, "Ленинград", Emir Kusturica & The No Smoking Orchestra зэрэг хамтлагууд ая дуугаа өргөж байв.
Энэ жилийн наадмын гол од нь Өвөрмонголын "Есөн Эрдэнэ" фольк рок хамтлаг байсан бөгөөд үзэгчдийг үнэхээр байлдан дагуулсан байна.