Кисэносато тэмцээнийг орхиж, Кюүшюүд ёкозүна үлдсэнгүй
Кисэносато ганц аваргын хариуцлага, үүргийг дааж чадсангүй.
Мэргэжлийн сүмо бөхийн Кюүшюү башё нэг ч аваргагүй үргэлжлэн явагдах боллоо. Хакүхо, Какаүрюү нар тэмцээний эхнээс гэмтлийн улмаас барилдаагүй бол япон аварга Кисэносато гэмтэж бэртээгүй ч эхний 4 өдөр дараалан ялагдсан тул арга буюу тэмцээнээс гарсан байна. Тэмцээний өмнөх бэлтгэл дээр тун сайн байсан Кисэносатог шинжээч, ояката нар өндөр үнэлж байсан билээ. Монголын хоёр аварга зодоглоогүй тул сүмо тайлбарлагч Майноүми "Энэ башё Кисэносатогийнх болно" гэж "мэргэ" тавьж, Кисэ өөрөө ч "Түрүүлэх болно" хэмээн амлаж байлаа. Гэвч Кисэносато ганц аваргын хариуцлага, үүргийг дааж чадсангүй. Бэлтгэл ханаж, гол өрсөлдөгчид нь эзгүй байсан ч сэтгэл зүй дутуун улмаас сандарч тэвдсээр эхний 4 өдөр дараалан унасан билээ.
Тагоноүра ояката "Өчигдөр орой бид хоёр 15 минут хэртэй ярилцаад тэмцээнийг орхихоор шийдлээ. Тэмцээний эхний өдөр унахдаа баруун өвдгөө гэмтээсэн. Кисэ "Ингээд дуусмааргүй байна. Дахиад нэг боломж олгооч" гэж хэлсэн. Их юм яриад байдаг хүн биш болохоор энэ үгийг нь сонсоод дараагийн тэмцээнд үхэх сэхэхээ үзнэ гэсэн хүсэл зоригийг нь мэдэрсэн" гэж сэтгүүлчдэд мэдээллээ.
Дээд зиндаа
Монгол бөхчүүд
Зүүний 2 Дайшёохо Р.Шижирбаяр 3-1
З-8 Кёкүшюүхо Т.Эрдэнэбаатар 1-3
З-10 Азүмарюү С.Тодбилэг 2-2
З-12 Миторюү Б.Төрболд 1-3
Макүшита
Б-4 Кагамио Б.Нанжид 1-1
Б-8 Сэйро А.Өнөболд 1-1
Б-12 Кирибаяма Б.Лхагвасүрэн 2-0
Б-18 Гоочёозан Д.Ууганбаатар 2-0
З-23 Асахирюү Б.Дэнзэнсамбуу 0-2
З-40 Кёкүсоотэн Э.Энхманлай 2-0
З-41 Сакигакэ Я.Баттүшиг 1-1
З-49 Хоошёорюү С.Бямбасүрэн 2-0
Санданмэ
Б-27 Тэрүнофүжи Г.Ган-Эрдэнэ гэмтэл
Б-49 Ёошёояма Б.Анхбаяр 1-1
З-56 Саданохикари Д.Наранцогт 2-0