Дэлхийн хамгийн тэнэг 10 хүн
World Stupidity Awards" шагналд илт давамгай тэргүүлсэн дэлхийн хамгийн тэнэг 10 хүнийг танилцуулья.
Хүн төрөлхтөн олон зуун жилийн турш тэнэг үйлдэл хийсээр иржээ. Цаашдаа ч хийх гэнэ. Учир нь хүн төрөлхтөн эрчимтэй "тэнэг" болж байгааг эрдэмтэд нотолсон байна. Хүний оюун ухааны хэмжээг харуулдаг Флинний шугам удаашраад зогсохгүй ухарч эхэлсэн гэнэ. Ухаалаг утас, интернэтийн буруу гэж хэлж болох ч үнэндээ энэ шугам 1970-аад оны үеэс унаж эхэлжээ. Бүр бүхэл бүтэн улс үндэстнээрээ тэнэгтэж байгаа баримт ч байна. Бүх нийтийн тэнэгтлийн дунд ч ялгардаг онцгой тэнэг хүмүүс бий. Ингээд "World Stupidity Awards" шагналд илт давамгай тэргүүлсэн дэлхийн хамгийн тэнэг 10 хүнийг танилцуулья.
10. Гэри Аллен Баннинг
Дарвиний шагналт Баннинг Алленд энэ шагналыг нэхэн олгосон. 2012 онд Гэри найзындаа ирээд шар өнгийн шингэнтэй соусны сав олж харсан юм. Ухаантай хүн яах байсан бол? Мэдээж дотор нь юу байгааг асууна. Харин Гэри ундаа гэж бодоод шууд уусан. Харамсалтай нь ундаа биш бензин байлаа. Хахаж цацан бензинээ гаргаж, хамаг хувцас нь бензин болж байхад найзууд нь инээлдэн дооглож байв. Гэри тайвшрах гээд тамхи гарган асаахад тэдний инээд нь ханиад болон хувирсан. Шатаж түлэгдсэн тэрбээр эмнэлэгт амьсгал хураасан.
9. Эндрю Хеннелс
Олон нийтийн сүлжээнд онгирч сагсуурах нь орчин үеийн хүний гол шинж. Өөрөөр хэлбэл тэнэгүүдийн ялгарах онцлог зан гэвэл зохистой. Эндрю Хеннелс дэлгүүр дээрэмдэхээр зэхэж байгаагаа Facebook хуудсандаа бичиж, сайрхсан. Хутгаар зэвсэглэнэ гэдгээ ч зарласан. Дээрмээс 15-хан минутын дараа Цагдаагийн газраас түүнийг баривчилсан байна.
8. Гарри Хои Гарри
Гарри Торонтогийн өндөр цамхгийн 24-р давхарт ажилладаг хуульч байлаа. Цамхгийн цонхыг хагалах боломжгүй гэж тэр байнга онгирдог байв. 1993 оны нэгэн нартай өдөр тэр дадлагын оюутнуудад үүнийгээ батлан харуулах гэж оролдсон юм. Хар хурдаараа гүйн, цонхны шилийг мөргөхөд шил хагарсангүй. Гэхдээ бүхлээрээ раамнаасаа салан, Гарритай хамт 24 давхраас унасан түүхтэй.
7. Лукаш Чойновский
Ланкаширийн тэтгэврийн хоёр хөгшин аялаж яваад гэртээ иртэл орон дээр нь дээрэмчин унтаж байлаа. Дээрэмчин үнэт эд зүйлсийг нь цүнхэндээ хийчихсэн байсан ч бас тийм яахаа алдсан муу этгээд байсангүй. Гэрийг нь цэвэрлээд, аяга тавгийг нь угааж, бас хүнсний зүйл худалдан авсан байлаа. Хоёр хөгшин Цагдаагийн газарт "Манайх нэг их цэвэр айл биш л дээ. Харин энэ дээрэмчний ачаар ёстой ямар ч тоосгүй гял цал болсон байсан" гэж мэдүүлжээ. "Цэвэрлэгч дээрэмчин" 200 фунт стерлингийн торгууль төлж, 2 жилийн тэнсэн авсан байна.
6. Филипп Контос
Мотоцикл унахдаа дуулга малгай өмсөх ёстой. Харин Америкийн мотоциклчид дуулгагүй явах дуртай. Тэд нэг удаа толгой нүцгэн мотоцикл унах эрхийнхээ төлөө Нью-Йорк мужийн зам дээр жагсаал хийжээ. Нийт 550 хүн оролцсон тус жагсаалын оролцогч Филипп Контос урд яваа мотоциклийг мөргөхгүйн тулд тоормоз гишгээд унаж, замын хашлага мөргөөд амиа алдсан байна. Хэргийн газарт ирсэн эмч нар түүнийг дуулгатай байсан бол амьд үлдэх байсан гэж оношилжээ.
5. Ник Флинн
"Fitzwilliam Museum" музейн ажилчдад 2006 он хэзээ ч мартагдахгүй биз ээ. Энэ өдөр Ник Флинн гэгч шатаар бууж байгаад тээгэлдэн унаж, Хятадын үнэтэй 3 ширхэг ваарыг хагалжээ. 300 жилийн настай тус бүр 200 мянган долларын үнэтэй эд. Хятадын бослого, хувьсгал, дэлхийн 2 дайныг эсэн мэнд даваад ирсэн үнэт зүйлсийг жирийн нэгэн тэнэг сүйтгэсэн түүх энэ ажгуу.
4. Рис Оуэн Жонс, Кери Мулз
Австралид аялаж байгаа жуулчид юу хийдэг вэ? Түүхэн дурсгалын зүйл үзэж, дэлгүүр хэсдэг. Харин Уэльсийн жуулчид өөр хүмүүс. Эхлээд тэд архи уулаа, дараа нь Амьтны хүрээлэнд очиж, далайн гахайтай усан санд сэлэн, аварга загас руу гал унтраагч хөөс цацаж, оцон шувууг нь хулгайлсан байна. Маргааш нь шартаж үхэх гэж байсан ч тэд оцон шувуугаа хооллож, буудлынхаа усны өрөөний ваннд сэлүүлжээ. Тэгээд голын шуудуунд тавих гэж яваад цагдаад баригдсан байна.
3. Шамизо Каньяма
Нарлаг Зимбабвегийн номлогч санваартан Шамизо Бурханаас өөрт нь хүмүүсийг эдгээх чадал хайрласан гэж итгэдэг байв. Тодорхой бус өвчин туссан 5 хүн эдгээж өгөөч хэмээн түүнд хандахад санваартан өөрийг нь газарт булахыг тушаасан байна. Газрын гүнээс эрч хүч авна гэж Шамизо хэлсэн тул тэд түүнийг булчихаад хүлээн сууж. Мэдээж лам үхэж, өвчтэй 5 шоронд оржээ.
2. Жеймс Аллан Одно
Дэлхийн хамгийн тэнэг дээрмийн хэрэг Английн Абингтон хотод 2012 онд болжээ. Ном хэвлэл зардаг дэлгүүрийг дээрэмдэхээр Жеймс Аллан шийдсэн байлаа. Дээрмийн үеэр тэр хэд хэдэн удаа маскаа тайлж царайгаа камерт үлдээсэн төдийгүй ширээн дээр унан эвдэлж, хаалга нээгээд зугтаж ч чадсангүй. Учир нь татаж онгойдог хаалгыг түлхээд байлаа. Худалдагч бүсгүй тэнэг дээрэмчинд хаалга яаж онгойлгохыг зааж өгснөөр тэр гарч чадсан. Хамгийн тэнэг нь тэр энэ дэлгүүрийг 10 хоногийн дараа ахин дээрэмдэх гэж оролдоод баригдсан.
1. Дональд Томпсон
59 настай Томпсон бол дэлхийн хамгийн тэнэг хүн гэдгийг "World Stupidity Awards" чансаа тогтоосон. Тэр 23 жил шүүхэд ажиллажээ. Шүүх хуралдааны дундуур ч тэр бэлэг эрхтэн томруулдаг аппарат хэрэглээд суудаг байв. Ямар ч хүнд хэрэг шүүж байсан эрхэм шүүгчийн гар аппарат дээр л байдаг байлаа. Шүүхийн хурлыг сурвалжилсан нэгэн сэтгүүлч "Дөнгөж хөлд орсон ач хүүгээ хөнөөлгөсөн өвөөгийн хэргийг хэлэлцэн, бүгд уйлж байхад шүүгч ширээн доороо аппаратаа ажилуулж байлаа" гэж мэдүүлсэн байдаг. Ингээд түүнийг Шүүхийг дорожилсон, шүүхийн танхимд зүй бус үйлдэл хийсэн хэргээр 4 жил хорих ял оноосон байна.
Зочин 2021.02.19 172.69.252.145
Энд чинь утагүй юм
0 0 Хариулах
Зочин 2019.01.18 66.181.161.30
Ийм хүмүүс ч мэр сэр бий шүү. Намайг 1р курст байхад 4р курсын нэг оюутан ирээд хэл шинжлэлийн багшийг хаана байгааг асуухаар нь (асуусан хүн нь биш өөр багш хичээл орж байгаад түр гараад явсан үед) 5 давхарт байгаа гэсэн чинь ёо 5 давхар уу гээд үрчийж билээ. Манай сургууль 5 биш 4 давхар гэдгийг мэдэхгүй явж байж дээ.
0 0 Хариулах
Зочин 2020.11.15 172.69.45.135
Тэнэгүүд
0 1 Хариулах
Зочин 2020.11.15 172.69.45.137
Инээдтэй юм алга
1 0 Хариулах