“Гэрэг: Боловсрол” сэтгүүлээс санал болгох 6 нийтлэл

“Гэрэг: Боловсрол” сэтгүүлийн нэгэн шинэ дугаараараа уншигч Тантай мэндэлж байгаадаа бид баяртай байна. Намрын сүүлчийн өдрүүд үргэлжилж, цас орж, хүмүүс хаврын сүүлчээр хадгалсан дулаан хувцсаа хайж, хажуугаар нь энэ жил идэх гурил, хоолоо хачирлах ногоотой байх уу, үгүй юү гэдэгт санаа зовж, улс төр хавийн эх толгойгүй бужигнаанд эгдүүцэж буй энэ цагийн уур амьсгал ямар нэг хэмжээгээр сэтгүүлд маань туслаа. Гэхдээ бидний эрмэлзэл, сэтгүүлийн маань чиг хандлага цагийн салхийг дагаж шуурахаас зайтай байхад оршдог учраас бухимдлаас ангид дугаар гарсан гэдэгт эргэлзэхгүй байна. Ингээд “Гэрэг: Боловсрол” сэтгүүлээс заавал унших 6 нийтлэлээ санал болгож байна. 

 

 

 

 

 

- Юуны өмнө уншигчиддаа энэ өдрийн мэнд хүргэе. Монгол Улсын хүн ам өсөхийн хэрээр боловсролын салбарын ачаалал улам бүр нэмэгдэж байгааг онцлон хэлэхийг хүсч байна. Өмнөх жилүүдийн үйл ажиллгааанд дүн шинжилгээ хийснээр энэ хичээлийн жилийг боловсролын бүх шатанд “Суралцагч нэг бүрийн сурлагын чанарт ахиц гаргах жил” болгох зорилтыг дэвшүүлсэн. Энэ зорилт маань цэцэрлэгийн бяцхан багачуудаас эхлээд сургуулийн сурагчид, оюутан залуус болон багш, эрдэмтэн судлаачид бүгдэд нь хамаатай юм. Учир нь айл өрх бүрт 

цэцэрлэгийн хүүхэд, сургуулийн сурагч, оюутан залуус бүгд байдаг учраас манай салбарын асуудал хүн бүрт хамаатай, тэдэнд нээлттэй, шууд хүрч байдгаараа онцлогтой гэдгийг хэлмээр байна. Тийм ч учраас нийгэмд хамгийн их магтаал, шүүмжлэл дагуулж байдаг юм шүү дээ...

 

 

Олон өнгийн яг л цэцэрлэг шиг. Оффис хувцаслалтгүй яг л амралтын өдөр шиг.  Элбэг хоол, унд яг л найр шиг. Технологижсон ухаалаг орчин яг л ирээдүй шиг. Энэ бол Google-ийн Сингапур дахь Ази номхон далайн төв оффис.

 

 

 

- Бид 2010 оноос хойш өнөөдрийг хүртэл 900 гаруй залууст тэтгэлэг олгосон. Энэ бол боловсролын салбарт оруулж байгаа “Оюу толгой” компанийн хөрөнгө оруулалт. Сайн оюутнуудын хувьд сургалтын төлбөрт санаа зовохгүйгээр зөвхөн эрдэм номдоо шамдан, анхаарлаа төвлөрүүлэх нь том дэмжлэг гэж бид ойлгодог. “Оюу толгой” компаниас жил болгон зарлагддаг хэд хэдэн тэтгэлэгт хөтөлбөр байдаг. Энэ жил уламжлал ёсоор  гадаад, дотоодын тэтгэлгээ зарласан. Дотоодын тэтгэлгийн бүртгэл дууссан бөгөөд энэ жил 30 оюутанд олгохоор төлөвлөсөн. 

Харин гадаад тэтгэлэгт энэ сарын 5 хүртэл материал хүлээж авсан. Гадаадад суралцах магистрын тэтгэлэг нийт 9 оюутанд олгоно.

 

 

Хөгжмийн ертөнцийн нэртэй цуглуулагчид болох Д.Батбилэг, С.Түвдэндорж нарын гайхалтай ховор цуглуулга, монголын хөгжмийн урлагийн түүх замналтай холбоотой ховор ном, пянз, уран зураг, баримал, зурагт хуудас, төхөөрөмж, тасалбар зэрэг олон гайхалтай зүйлийг нэгэн дор үзэж, сонирхох боломж бидэнд нээлттэй болоод байна. Уг гайхалтай чамин басхүү өвөрмөц дотоод засал бүхий “World music gallery” энэ оны есдүгээр сарын 14-ний өдөр албан ёсоор нээлтээ хийсэн билээ. 

 

 

Б.Болорсайхан “Бүх нийтийн боловсролын төлөө” иргэний нийгмийн үндэсний эвслийн дэд зохицуулагч, Ш.Туяа Монгол улсын их сургуулийн утга зохиол, урлаг судлалын тэнхмийн багш, Б.Мишээл  “Шинэ Монгол” дунд сургуулийн Э.Энхцэцэг багштай 12/1 ангийн сурагч, Г.Тэмүүжин ХААИС-ийн” инженер технологийн сургууль”-ийн “Гидромеханик, хүнсний инженерчлэл тэнхим”-ийн 4-р дамжааны оюутан нар боловсролын тухай юу ярьсан бол?

 

 

“Сант” сургууль байгуулагдаад 22 дахь жилдээ үйл ажиллагаагаа явуулж байна. Дэлхийн шилдэг их сургуулиудад “Сант” сургуулийн төгсөгчид амжилттай элсч, олон улсын хэвлэлийн хуудаснаа сурвалжлан бичиж байсныг уншигч Та санах биз ээ. Тэгвэл хурдацтай өөрчлөгдөж буй дэлхийн хөгжлийн чиг хандлагыг мэдэрч олон улсад хүлээн зөвшөөрөгдсөн боловсролыг сурагчдад олгож, дэлхийн хэмжээнд өрсөлдөх чадвартай хүүхдүүдийг бэлтгэж буй “Сант” сургуулийн захирал З.Энхмөнхтэй боловсролын салбарын шинэ чиг хандлагын талаар ярилцлаа. Тэрбээр АНУ-д MIT болон Стэнфордын их сургуулийг дүүргэж, 2011 оноос хойш сургуулиа удирдан ажиллаж байгаа юм.