U 23 ДАШТ: Хүрэл медальт Э.Гантуяагийн барилдааны бичлэгүүд
“U-23”-ын анхны ДАШТ-д 60 кг-ын жинд хүрэл медаль хүртэж байсан юм.
“Бухарест-2018” 23 хүртэлх насанд хүрэгчдийн ДАШТ-ий эмэгтэйчүүдийн 62 кг-ын жинд үндэсний шигшээ баг, “Хилчин” спорт хорооны тамирчин ОУХМ Энхбатын Гантуяа манайхны гурав дахь хүрэл медалийн эзэн боллоо. Өнгөрсөн жил Польшид болсон “U-23”-ын анхны ДАШТ-д 60 кг-ын жинд хүрэл медаль хүртэж байсан тэрбээр Бухарестэд амжилтаа ихэрлүүлж, хос медальтан болж байна гэж Монголын чөлөөт бөхийн холбооноос мэдээллээ.
Э.Гантуяа 1/8 шигшээ барилдаанд “Будапешт-2018” ДАШТ-ий мөнгөн медальт, Японы Юүкако Кавайд оноогоор цэвэр (2:12) ялагдсан.
Японы бөх шигшээд шалгарсан тул манай бөхөд дагах барилдаан гарсан. Дагах барилдаанд Беларусийн Кристина Сазыкинаг оноогоор цэвэр (14:2) цэвэр ялсан.
Хүрэл медалийн төлөөх барилдаанд өсвөр үе, залуучууд, 23 хүртэлх насны ЕАШТ-ий медальт эзэн орны Кристу-Тунде Инцег 4:2 яллаа.