Калифорнийн ойн түймэрт Энтони Хопкинсийн харш азаар эсэн мэнд үлджээ
Дроноор авсан зургаас үзэхэд ч алдарт жүжигчний харшийн эргэн тойронд бүх зүйл шатсан нь тод харагдаж байна.
АНУ-ын Калифорнид гарсан ойн түймэр 60 гаруй хүний амь насыг авч одон, маш олон байшин барилга шатсан билээ. Энэ мужийн Малибу хотод Холливудын алдартнууд амьдрах дуртай. Малибу хот түймэрт хамгийн их өртсөн хотын нэг болсон юм.
Түймэр унтарч, гэрээсээ дүрвээд байсан алдартнууд эргэн ирэхэд ихэнх байшин шатсан байлаа. Харин Энтони Хопкинсийн харш бүрэн бүтэн байсан нь олны гайхлыг төрүүлсэн. Учир нь хөршийнх нь байшин шатаж дуусаад утаа нь уугиж байлаа. Дроноор авсан зургаас үзэхэд ч алдарт жүжигчний харшийн эргэн тойронд бүх зүйл шатсан нь тод харагдаж байна. Харин Энтонигийн гэрийн гаднах сандал ч яг л тэр чигээрээ хэвэндээ байв.
Пирс Броснан, Кили Шэй Смит нарын 3,5 сая долларын харш ч азаар галд өртөөгүй байна.
Машинаасаа буугаад байшингаа харсан Пирсийн царайг та хар даа.
Тэр эхнэрийн хамт гал түймэрт өртсөн хохирогчдод тусламж үзүүлэхийг уриалж байна. Лос Анжелесийн иргэдийн хуралд ч оролцсон гэнэ. Пирс "Энэ түймэр миний үзсэн хамгийн том түймэр байлаа. Бид хохирогчдод туслах ёстой. Манай анд найз, хөршүүд минь орон гэрээ алдлаа. Тэд цэвэр ус, цахилгаан, хоол хүнсгүй, зарим нь орон гэргүй зовж байна" гэж хэлсэн байна.
Ойн түймэр Малибу, Калабасас гэсэн тансаг хотуудыг дайран гарсан.
Лиам Хемсворт, Майли Сайрус, Жерард Батлер, Нил Янг, Ким Бесинжер, Робин Тик, Камилла Граммер нар байшингаа галд алдсан.
Майли Сайрусийн шатсан байшин.
Лиам Хемсвортийн 2,52 сая долларын байшингаас үлдсэн зүйл.
Робин Тик, Эйприл Лав Гири нарын байшин бүр мөсөн шатсан.
Кардашьян, Уилл Смит, Кейтлин Женнер, Леди Гага, Саймон Коуэлл нар гэрээ орхихоос өөх аргагүй болсон. Харин Ким Кардашьян хувийн гал сөнөөгч баг хөлслөн гэртээ үлдээснээр байраа аварч чаджээ.
Жерард Батлер шатсан байрныхаа өмнө.
Робин Тикийн найз бүсгүй Эйприл Лав Гири байшингийнхаа зургийг инстаграмд оруулсан.
Леди Гага Лос Анжелесийн Улаан загалмай төвийн хоргодох газарт өөрийн биеэр пицца хүргэж өгсөн.
Майл, Лиам нар хохиролгчдод 500 мянган доллар хандивлаж байгаагаа зарлажээ.