Элон Маск Ангарагын иргэн болох уу? Тун магадгүй гэнэ
Тэрбээр ухамсарт амьдралынхаа хоёр том зорилгоо "Tesla" компаниараа дамжуулж автомашины зах зээлийг цахилгаан машинаар солих, дэлхийн хөрш Улаан нүдэн гаригт суурин иргэншил бий болгох хэмээн зоригтой мэдэгдсэн.
Хүн очоод бүрмөсөн суурьших нь бүү хэл очих зам нь үхлийн аюултай байж мэдэх Ангараг гаригт тэрбумтан Элон Маск бүх насаараа амьдрах бодолтой байгаа тухай "Washington Post" мэдээлэв. "The Space X" компанийн захирал Элон Маск улаан нүдэн гаригт өөрийн биеэр очих, улмаар бүр амьдрах магадлалаа одоогоор "70 хувьтай" шийдвэр хэмээн хэлжээ.
"Хүмүүсийн өндөр уулын оройд гарах тэмүүлэл, миний Ангараг гаригт суурьших хүсэл яг ижилхэн, бас боломжтой хүсэл" гэж нэгэн ярилцлагадаа өгүүлээд "Эверестийг зорьсон уулчид амиа алдах тохиолдол жил бүр л гардаг. Гэхдээ л оргилд нь гарахсан гэсэн хүсэлтэй хүмүүсийн цуваа зогсдоггүй шүү дээ" гэжээ.
Тэрбээр ухамсарт амьдралынхаа хоёр том зорилгоо "Tesla" компаниараа дамжуулж автомашины зах зээлийг цахилгаан машинаар солих, дэлхийн хөрш Улаан нүдэн гаригт суурин иргэншил бий болгох хэмээн зоригтой мэдэгдсэн.
Түүний "SpaceX" компани Ангараг руу 2022 онд анхны хөлгөө нисгэх бөгөөд 2024 онд сансрын жуулчид бүхий хүн тээврийн хөлөг нь нисэх хуваарьтай байгаа. Хөлгийн нэрийг өнгөрсөн долоо хоногт зарласан нь "Starship" (Өмнөх нэр нь "Big Falcon Rocket" байв).
Ангараг гариг руу хүн тээвэрлэх өрсөлдөөнд НАСА ч мөн оролцож байгаа бөгөөд одоогийн тооцооллоор 2030 он хэмээн төлөвлөөд байгаа аж.