Ц.Цогзолмаа: Энэ бол миний улстөрчийн шийдвэр
Ерөнхий Сайд шийдвэрээ гаргаад ажлаа өг гэвэл би асуудалгүй өгнө гэлээ.
Засгийн Газрыг огцруулах асуудлыг өргөн барьсан гишүүдийн дунд У.Хүрэлсүхийн кабинетийн гишүүн БСШУС-ын Сайд Ц.Цогзолмаа байсан.
Энэ тухайд тэрбээр
"Өнөөдөр хэн нэгэн хүнтэй холбож, хэн нэгэн хүний дохио зангаагаар асуудалд хандсан гэхээс илүүтэй би улстөрчийнхөө хувьд, хувь хүнийхээ ёс зүй дээр суурилж шийдвэрээ гаргасан. Үүнээсээ буцах, булзах шаардлага надад байхгүй. Тийм ч учраас өөрийнхөө гарын үсгээр баталгаажуулаад кнопоо дарсан. Энэ бол миний улстөрчийн шийдвэр" гэлээ.
Мөн тэрбээр үргэлжлүүлэн ажиллахаар болсон ЗГ-т үлдэж ажиллах уу гэдэгт “Ерөнхий Сайдыг шийдвэрээ гаргаад ажлаа өг гэвэл миний хувьд ямар ч асуудалгүй гэдгээ сая хэлчихээд гарч ирлээ" гэсэн юм.