1 мин

Монгол Улсын Консерваторийн шилдэг 8 оюутанд сургалтын тэтгэлэг олголоо

2018-2019 оны хичээлийн жилийн сургалтын тэтгэлэг хүлээн авав.

Э.Намуун 2018.12.05 1

164

Монгол Улсын Консерваторийн 8 авьяаслаг, шилдэг оюутан 2018-2019 оны хичээлийн жилийн сургалтын тэтгэлэг хүлээн авлаа.

Монголын Урлагийн Зөвлөл (МУЗ) нь 2012 оноос хойш “Орифлэйм Монгол” ХХК-ийн дэмжлэгтэйгээр соёл урлагийн чиглэлээр амжилттай суралцаж буй авьяаслаг, мэргэжилдээ идэвхи санаачлагатай шилдэг оюутан сурагчдад сургалтын төлбөрийн тэтгэлэг олгох хөтөлбөрийг санаачлан 7 дахь жилдээ амжилттай хэрэгжүүлж байна. 

2018-2019 оны тэтгэлэгийг дуурийн дуулаачийн 4-р курсийн оюутан З.Отгонтуяа, Т.Бат-Үжин, уртын дуулаачийн 2-р курсийн оюутан М.Долгормаа, Валторн хөгжмийн 2-р курсийн оюутан Б.Дарханбаатар, цохивор хөгжмийн 4-р курсийн оюутан С.Хүлэгбаатар, баялаг бишгүүр хөгжмийн 2-р курсийн оюутан Х.Батням, тромбон хөгжмийн 3-р курсийн оюутан Т.Төрбаясгалан, хуучир хөгжмийн 4-р курсийн оюутан Б.Цэцэгсүрэн нарт олгожээ.

Өнгөрсөн хугацаанд уг хөтөлбөрийн хүрээнд үндэсний болон сонгодог хөгжим, дуу, бүжгийн чиглэлээр амжилттай суралцаж буй нийт 70 оюутныг дэмжиж, 60 сая төгрөгийн санхүүжилтыг олгон, Монголын хөгжмийн урлагийн хөгжилд хувь нэмэр оруулсан байна. 

Э.Намуун 2018.12.05

164