1 мин

Залуу хоккейчид Азид мөнгөн медальтай

Индонезитой хийж, 3:1-ээр ялалт байгуулснаар Азийн “Challenge Cup” тэмцээний дэд аварга болов.

М.Сугар-Эрдэнэ 2018.12.07 48 37 34

Олон улсын шайтай хоккейн холбооны албан ёсны тэмцээн болох 20 хүртэлх насны Азийн Challenge Cup тэмцээн Малайз улсын нийслэл Куала-Лумпур хотод 12 дугаар сарын 3-6-ны өдрүүдэд боллоо.

Тус тэмцээнд Монголын баг мөнгөн медаль хүртэж, бахархалтай сайхан амжилт үзүүллээ. Тэмцээний аваргаар Тайландын баг шалгарсан бол Индонезийн залуус хүрэл медаль хүртжээ.
Монголын залуучуудын шигшээ баг эхний тоглолтод Тайландад 14:1-ээр хожигдсон ч Кувейтийн шигшээ багийг 9:2-оор хожсон. Улмаар хэсгийн сүүлийн тоглолтоо Индонезитой хийж, 3:1-ээр ялалт байгуулснаар Азийн “Challenge Cup” тэмцээний дэд аварга болов.

Тайландын баг гурван хожилтой, есөн оноогоор тэргүүлсэн бол Монголын баг зургаан оноогоор удаалж, Индонез нэг хожилтойгоор гуравдугаар байрт бичигдэв. Харин Кувейтийн баг нэг ч хожил авч чадаагүй байна.

М.Сугар-Эрдэнэ 2018.12.07