Сынри (BIGBANG) төрсөн өдрөөрөө хандив өргөв
Өнгөрсөн жил мөн хандив өргөж байлаа.
Өмнөд Солонгосын BIGBANG хамтлагийн дуучин Сынри төрсөн өдрөөрөө хүүхэд багачууд, бага орлоготой айл өрхүүдэд хандив өргөсөн байна. Өчигдөр 28 нас хүрсэн Сынри хүүхдийн "Green Umbrella ChildFund Korea" санд 100 сая вон хандивлажээ. Энэ мөнгийг тэр рамэн сүлжээ ресторан, Aori F&B-гээс орсон орлогоосоо гаргажээ. Aori F&B болон Сынритэй хамтран ажилладаг E-Mart-ийн удирдлагууд мөн тус санд 30 сая вон хандивласнаар нийт хандивын хэмжээ 130 сая вон болсон байна.
Үүнээс 100 сая воныг бага орлоготой айлын хүүхдүүдэд зориулах бол 30 сая вон нь ядуусын хорооллын иргэдийн гэрийг дулаалах материал худалдан авахад зарцуулагдах гэнэ.