NBA-гийн талбай дээр монгол концерт тоглолоо
"Бостон Селтикс", "Вашингтон Уизардс" багуудын тоглолтын өмнө монгол хүүхдүүд концерт тоглож, америкчуудыг гайхууллаа.
АНУ-ын мэргэжлийн сагсан бөмбөгийн NBA лигийн "Бостон Селтикс", "Вашингтон Уизардс" багуудын тоглолтын өмнө монгол хүүхдүүд концерт тоглож, америкчуудыг гайхууллаа. Дэлхий даяар энэхүү тоглолтыг 18 сая хүн үзсэн гэхээр тэд монгол соёл урлагийг 18 сая хүнд сурталчлан таниулсан гэсэн үг билээ.
“Mongolian Heritage Night” тоглолтыг АНУ дахь Монголын ЭСЯ зохион байгуулжээ. Зохион байгуулалтад грек гаралтай америк бизнесмен Теодор Жон Леонсис гүн туслалцаа үзүүлсэн байна. Леонсис "Вашингтон Кэпиталз" (NHL), "Вашингтон Уизардс" (NBA) багуудын хувьцааг эзэмшдэг эрхэм юм.
Тоглолт Улаанбаатарын цагаар 07,00 цагт эхлэж, "Бостон Селтикс" 130-125 харьцаатай ялалт байгуулсан байна.