1 мин

Роналду хамгийн баян тамирчин

Тус жагсаалтыг анх удаа хөлбөмбөгч тэргүүллээ.

М.Сугар-Эрдэнэ 2016.06.09 49 12 7

Америкийн “Forbes” сэтгүүлийн газраас дэлхийн хамгийн баян тамирчны жагсаалтаа шинэчлэн гаргалаа. Тус жагсаалтыг анх удаа хөлбөмбөгч тэргүүллээ. Португалийн шигшээ, Эзэн хааны “Реал” багийн тоглогч Криштиану Роналду өнгөрсөн онд 88 сая долларын орлого олсон амжилтаар чансааг тэргүүлсэн байна.

Энэхүү чансааг тухайн тамирчны сүүлийн 12 сард авсан цалин, нэмэлт орлогуудыг тооцоолон гаргадаг. Боксчин Флойд Мэйведер сүүлийн 15 жил баян тамирчны жагсаалтыг дангаараа тэргүүлж байсан ч өнгөрсөн жил зодог тайлснаар ийнхүү хаан ширээнд шинэ тамирчин гарч ирж байгаа юм. Роналду энэ жагсаалтыг тэргүүлсэн анхны хөлбөмбөгч, Майкл Жорданы дараахь багийн спортын тамирчин болж байгаа юм.
1. Криштиану Роналду (“Реал”, хөлбөмбөг) – 88 сая доллар
2. Лионель Месси (“Барселона”, хөлбөмбөг) – 81,4
3. ЛеБрон Жеймс (“Кливленд”, сагсан бөмбөг) – 77,2
4. Рожер Федерер (теннис) – 67,8
5. Кевин Дюрэнт (“Оклахома-Сити”, сагсан бөмбөг) – 56,2
6. Новак Жокович (теннис) – 55,8
7. Кэмерон Ньютон (“Каролина”, америк хөлбөмбөг) – 53,1
8. Фил Микельсон (гольф) – 52,9
9. Жордан Спиф (гольф) – 52,8
10. Кобе Брайант (“Лейкерс”, сагсан бөмбөг) – 50

М.Сугар-Эрдэнэ 2016.06.09