мин

“Рио 2016”-д оролцох мэргэжлийн боксчид

Энэ тэмцээнээс нийт 26 тамирчинд олимпийн эрх олгосон.

М.Сугар-Эрдэнэ 2016.07.14 43 16 9

Энэ жилийн Зуны олимпийн наадамд мэргэжлийн боксчдыг оролцуулах түүхэн шийдвэрийг AIBA-гаас гаргасан нь нэлээд шуугиан дагуулсан билээ. Алдарт дэлхийн аваргуудыг олимпийн рингэнд гаргаснаар боксын тэмцээн олимпийн бусад төрлөөс илүү олны сонирхлыг татна гэж Олон улсын сонирхогчдын боксын холбоо тооцоолжээ.

Жордан тэргүүтэй мэргэжлийн сагсан бөмбөгчид, Месси тэргүүтэй хөлбөмбөгчид олимпийн наадамд оролцож байхад Пакьяо, Кличко нар яагаад олимпийн наадамд орж болохгүй гэж? Гэвч сагсан бөмбөг, хөлбөмбөгийн хувьд Олон улсын холбоо нь мэргэжлийн лиг, холбоодтой ярилцаж, тохиролцсоны эцэст тамирчдаа илгээж байсан. Харин AIBA дангаараа мэргэжлийн боксчдыг олимпод оруулах шийдвэр гаргасан билээ. Тиймээс зарим томоохон мэргэжлийн боксын холбоод тамирчдаа илгээхгүй гэдгээ зарласнаас гадна боксчид өөрсдөө ч олимпод оролцох сонирхолгүй байгаа юм. Мэргэжил, сонирхогч тамирчдын ур чадвар, бэлтгэлийн түвшин өөр тул тэд хоорондоо тулалдахад сонирхогч тамирчдын эрүүл мэндэд ноцтой хохирол учирна, мөн мэргэжлийнхэн зовох юмгүй ялна гэж шинжээчид үзэж байгаа.

Энэ сарын 3-8-нд Венесуэлийн Варгас хотод “Рио 2016” олимпийн эрх олгох мэргэжлийн боксчдын тэмцээн болж өнгөрлөө. Энэ тэмцээнээс нийт 26 тамирчинд олимпийн эрх олгосон.
Үүнд: нутгийн эзэн Венесуэл 4, Эквадор, Мексик тус бүр 3, Колумб, Герман, Украин тус бүр 2, Аргентин, Армен, Камерун, Доминика, Итали, Кени, Катар, Испани, Тайланд, Турк улсууд тус бүр нэг эрх авсан. Ингээд жин тус бүрт олимпийн эрх авсан мэргэжлийн тамирчдыг танилцуулья.  
49 кг
Хоселито Веласкес     Мексик
Карлос Кипо     Эквадор
Леандро Бланк     Аргентин
52 кг
Йоэль Ривас     Венесуэл
Хамза Туба     Герман
Сейбер Авила     Колумб
56 кг
Бенсон Гичару     Кени
Эктор Гарсия     Доминика
Виктор Родригес     Венесуэл
60 кг
Линдольфо Дельгадо     Мексик
Амнат Руенроенг     Тайланд
Кармине Томмазоне     Итали
64 кг
Ованес Бачков     Армен
Тхуласи Тхарумалингам     Катар
Владимир Матвейчук     Украин
69 кг
Хуан Пабло Ромеро     Мексик
Араджик Марутян     Герман
Юба Сиссоко     Испани
75 кг
Марло Дельгадо     Эквадор
Эндре Хосе Пинто     Венесуэл
Ондер Шипаль     Турк
81 кг
Хуан Карлос Каррильо     Колумб
Хассан Н’Дам Н’Жикам     Камерун
Денис Солоненко     Украин
91 кг
Хулио Сезар Кастильо     Эквадор
+91 кг
Эдгар Муньос     Венесуэл
Мөн Холбооны шийдвэрээр эрэгтэйчүүдийн 56 кг-д Вануату арлын Лионель Варавара, 60 кг-д Папуа Шинэ Гвиней улсын Thadius Katua, 64 кг-д Йорданы Obada Al-Kasbeh, 69 кг-ын жинд Фижи арлын Уинстон Хилл, 75 кг-д Замби улсын Benny Muziyo нарт олимпод цагаан хуудсаар орох эрх өгсөн байна.

М.Сугар-Эрдэнэ 2016.07.14