2018 оны ялагчид: Бид уучлахгүй
Зөвхөн би ч биш, ахмад, дунд, залуу үеийнхэн, хот, хөдөөний бүх хүмүүс бахархаж, дэмжиж байгааг бид өдөр тутам харж байна.
Хил хязгааргүй нэгдэл
МУИС-ийн профессор, эдийн засгийн ухааны доктор Б.Отгонтөгс
УИХ-ийн гишүүд, улс төрчид ЖДҮ-ийг хөгжүүлэх сангаас өөрсдийн хамааралтай аж ахуйн нэгжүүддээ их хэмжээний зээл авч өгснийг эсэргүүцэж “Бид уучлахгүй” хөдөлгөөн өрнүүлсэн залуучуудаар би тун их бахархаж байна. Зөвхөн би ч биш, ахмад, дунд, залуу үеийнхэн, хот, хөдөөний бүх хүмүүс бахархаж, дэмжиж байгааг бид өдөр тутам харж байна.
Нийгэмд бугшсан авилгалын эсрэг залуучууд л энэ удаа илүү олуулаа нэгдэж, тэмцэж чадаж байгаа нь дараа дараагийн ийм муухай бугшсан буруу зүйлсийн эсрэг бүгдээрээ хамтран тэмцэж, бууруулах, арилгах чадалтай, шинэ үе ирж байгааг тод харуулж байна. Шинэ үеийн, багаар ажиллах чадвартай, боловсролтой, ёс суртахуунтай, технологийн мэдлэгтэй залуус дэлхийн хаана байгаагаас үл хамааран нэгдэж Монголын нийгэмд байгаа авилгал, хууль бус, шударга бус явдлуудын эсрэг тэмцэж өөрчилж эхэллээ. Залуучууд аа, та бүхэн чадна, та нарт итгэж байна.