Хунтайж Чарльзын коронавирусийн шинжилгээний хариу ЭЕРЭГ гарчээ
Английн угсаа залгамжлах хунтайж Чарльзын коронавирусийн шинжилгээний хариу эерэг гарч, одоогоор Шотландад тусгаарлагдсан тухай CNN мэдээлэв.
Өдгөө 71 настай хунтайжийн нэрийн өмнөөс "Уэльсийн хунтайжийн коронавирусийн шинжилгээний хариу эерэг гарсан. Түүний биеийн байдал одоогоор хүнд биш, гэртээ тусгаарлагдсан байгаа. Корнваллын гүнгийн ахайтан мөн адил шинжилгээ өгсөн бөгөөд хариу нь сөрөг гарсан. Хунтайж сүүлийн хэдэн долоо хоног олон нийтийн цөөнгүй арга хэмжээнд оролцсон. Вирус чухам хэнээс, хаанаас халдсан бэ гэдэг нь тодорхгүй байна" хэмээн Кларенс-хаусаас мэдэгдэл хийсэн байна.