Их аваргын 2017 оны зорилго 40-ийн тоо


Image М.Сугар-Эрдэнэ       901

Мэргэжлийн сүмогийн их аварга Хакүхо 2017 оны бэлтгэлээ эхэллээ. Шинэ жилийн амралтаа Гуамд өнгөрөөсөн Хакүхо 3-наас Миягино дэвжээнд шинэ оны анхны бэлтгэлээ хийсэн байна. Бэлтгэлийг спортын сэтгүүлчид үзэж сонирхон, 2017 онд тавьсан зорилгыг нь асуужээ.


Мэдээж 2017 оны хамгийн том зорилго бол Кайогийн эзэмшдэг мэргэжлийн сүмо дахь хамгийн олон ялалт байгуулсан рекордыг эвдэх. Кайо нийт 1047 даваатай зодог тайлсан бол Хакүхо одоогийн байдлаар 1008 даваатай. Өөрөөр хэлбэл 40 ялахад л түүхэнд нэгт бичигдэнэ гэсэн үг. Нэг башё 15 барилдаантай гээд бодоод үзэхээр хамгийн хурдан зорилгоо биелүүллээ гэхэд тавдугаар сарын Зуны тэмцээнд шинэ рекорд тогтоох боломжтой. 1, 3, 5 дугаар сарын тэмцээнд дараалан түрүүлэх юм бол нийт түрүү 40 болно. Тэгэхээр Хакүхогийн хувьд 2017 оны гол зорилго 40 гэсэн тоо болж байгаа юм.  
Өнгөрсөн 2016 онд хоёрхон түрүүлж, нэг тэмцээн бүтэн өнжсөн гэсэн ёкозүна болсноосоо хойш хамгийн базаахгүй амжилттай дуусгасан. Тэгвэл энэ жил Хакүхо бүх тэмцээнд оролцохоор бэлтгэл сургуулиа базааж, их аваргын үүргээ биелүүлнэ гэж ярьсан.  


Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.


“Оргодол” нэрт Такаясү озэки болно

Халширч шантарсан тэрбээр дэвжээнээсээ оргодог, гэрлүүгээ зугтаадаг “шинэ цэрэг” байлаа.

М.Сугар-Эрдэнэ

Йогийг сонгосон Холливудын одод

Мадонна өдөрт гурван цаг аштанга йогоор хичээллэдэг.

М.Сугар-Эрдэнэ

Кёкүтэнхо Зуны тэмцээний дараа дэвжээтэй болно

Кёкүтэнхо дэвжээг аваад 11 дэх Томозүна ояката болох юм.

М.Сугар-Эрдэнэ

Их уншсан

-->