Обамеянгийн Африкийн шилдэг тоглогчийн ёслолд өмссөн хувцас
Шагналаа голов уу, арга хэмжээгээ андуурав уу?
Нигерид Африк тивийн шилдэг хөлбөмбөгч шалгаруулах ёслол боллоо. 2016 оны хар тивийн шилдэг хөлбөмбөгчөөр Алжирийн шигшээ болон Английн “Лестер” багийн хагас хамгаалагч Рияд Марез 361 оноогоор шалгарсан. “Лестер” Премьер лигийн аварга болоход Марез үнэлж баршгүй хувь нэмэр оруулсан билээ. Хоёрдугаар байрт Габоны шигшээ, “Борусси” Дортмунд багийн довтлогч Пьер-Эмерик Обамеянг (313 оноо), гуравдугаар байрт Сенегалын шигшээ, “Ливерпуль” багийн Садио Мане (186) орсон байна.
Харин Пьер-Эмерик Обамеянг шагнал гардуулах ёслол дээр “Феррари”-гийн бэлгэ тэмдэгтэй богино цамцтай ирсэн нь олныг гайхуулсан. Шагналаа голов уу, арга хэмжээгээ андуурав уу гэж зарим хүн бодож байж болох. Үнэндээ бол түүний ачаа онгоцны буудал дээр алга болсон тул онгоцонд суусан хувцастайгаа ирэхээс өөр аргагүй болжээ.