1 мин

"Соёмбын барсууд" П.Пүрэвсүхийн хет-трикээр яллаа

Д.Энхтүвшин дасгалжуулагчтай "Соёмбын барсууд" 5-4 харьцаатайгаар өрсөлдөгчөө буулган авлаа.

М.Сугар-Эрдэнэ 2017.01.07

Монголын Хөлбөмбөгийн Холбоо, “Пепси” брэндтэй хамтран хоёр дахь жилдээ зохион байгуулж буй "Пепси лиг"-ийн 3-р тойргийн эхний тоглолт өнөөдөр "Соёмбын барсууд", "Арвис" клубуудын хооронд өрнөлөө.

Зургаан оноотой "Хоромхон", "Дэрэн" багууд энэ тойрогт оноолт таарсан тул "Арвис"-ын хувьд тэдэнд ойртох боломж үүсээд байлаа. Тэр ч утгаараа "Арвис" үндсэн цаг эхэлсэнээс хойш илүү санаачлагатай тоглолтыг үзүүлж, гоолын салхийг багийн ахлагч Б.Золбоо хүчтэй цохилтоор нээлээ. Гэхдээ Армийн баг бууж өгөхийг хүссэнгүй, эн тэнцүү тоглосоор, нэгдүгээр үед 2:2-оор тэнцэв.

Харин шийдвэрлэх үед Д.Энхтүвшин дасгалжуулагчтай "Соёмбын барсууд" эргэн ирэлтийг хийж, 5-4 харьцаатайгаар өрсөлдөгчөө буулган авлаа. Лигийн анхны хожлоо авсан энэ чухал тоглолтод багийн гол тоглогчдын нэг П.Пүрэвсүх гурван гоол оруулж, тоглолтын шилдэгээр нэрлэгдлээ. Энэхүү тоглолтыг МХБХ-ны шүүгч Т.Галдансүх /ахлах/, Г.Сүх-Эрдэнэ /туслах/, О.Хишигтөмөр /3-р шүүгч/, Ц.Пүрэвдорж /Цагчин шүүгч/ нар шүүн явууллаа гэж Монголын хөлбөмбөгийн холбооноос мэдээллээ.