1 мин

СЕХ: 11 цагийн байдлаар 18-19 насны сонгогчид 20-34 насны сонгогчдоос илүү идэвхтэй саналаа өгчээ

Э.Намуун 2021.06.09

4

Монгол Улсын Ерөнхийлөгчийн 2021 оны ээлжит сонгуулийн санал хураалт өнөөдөр 07:00 цагт эхэллээ. 11:00 цагийн байдлаар улсын хэмжээнд Ерөнхийлөгчийн сонгуулийн саналаа 274,511 хүн өгсөн ба санал хураалтын ирц 13.4%-тай байна. 

11 цагийн байдлаар аймгуудаас Говьсүмбэр 16.30%-иар тэргүүлж, Говь-Алтай 15.84%, Дундговь 15.32%, Сүхбаатар аймаг 15.30 %-иар удаалж байна. Харин Сэлэнгэ 9.03%, Архангай 8.94%, Баян-Өлгий 5.66 %-иар сүүл мушгисан байна.

Улаанбаатар хотод санал хураалтын ирц 14.82%-тай байна.

•Багахангай дүүрэг 21.24 %
•Багануур дүүрэг 18.04%
•Баянгол дүүрэг 16.28%
•Сүхбаатар дүүрэг 16.21%
•Баянзүрх дүүрэг 15.14%
•Сонгинохайрхан дүүрэг 14.24%
•Налайх дүүрэг 13.26%
•Хан-Уул дүүрэг 13.09 % байна.

Насны хувьд:

70-аас дээш нас- 37.42%
65-69 нас- 31.92%
60-64 нас- 6.12%
55-59 нас- 20.08%
50-54 нас- 15.82%
45-49 нас- 13.70%
40-44 нас- 12.01%
35-39 нас- 10.51%
30-34 нас- 8.64%
25-29 нас- 6.65%
20-24 нас- 6.28%
18-19 нас- 9.09% буюу энэ насныхан 20-34 насныхнаас илүү идэвхтэй сонгуульдаа саналаа өгч байна.  

Дашрамд дурдахад, Монгол Улсын Ерөнхийлөгчийн 2021 оны ээлжит сонгуулийн ирцийн мэдээг олон нийтэд нээлттэй, ойлгомжтой, ил тод мэдээлэхээр Сонгуулийн ерөнхий хороо, Улсын бүртгэлийн ерөнхий газрын хамтарсан ажлын хэсэг ажиллаж байна. Ирцийн мэдээг анх удаа технологийн тусламжтайгаар бүрдүүлж, мэдээлэх тус ажилд ЛИЙД төгсөгчдийн холбоо ТББ хамтран ажиллаж turnout.gec.gov.mn сайтаар сонгуулийн ирцийн мэдээг нас, хүйс, газарзүйн байршлаар цаг тутам шинэчлэн харуулж байна.

Э.Намуун 2021.06.09

4