1 мин

Шахмал түлшний уутыг дотоодын үйлдвэрлэгчид нийлүүлнэ

Ub.life 2021.11.29

Сайжруулсан түлшний уутыг “Тавантолгой түлш” компани нээлттэй тендер зарлаж, БНХАУ-д захиалгаар хийлгүүлдэг байсан нь Эрээн хотод короновирусын тохиолдол илэрч, Замын-Үүд Эрээний боомт тодорхойгүй хугацаагаар хааснаас шалтгаалан тасраад буй. 

Энэ сарын эхээр сайжруулсан түлшийг савлагаа тасарснаас үүдэн 25кг бус,  100кг-аар савлан борлуулж эхэлснээр иргэд борлуулагчдад зөөж тээвэрлэхэд хүндрэл учруулах болсон. Иргэдээс дотоодын үйлдвэрүүдээс сайжруулсан түлшний уутыг авах санал гаргасны дагуу маргаашнаас дотоодын үйлдвэрлэгчдийн дунд сайжруулсан түлшний уутыг үйлдвэрлэн нийлүүлэх сонгон шалгаруулалт зарлах гэж байгаа талаар Нийслэлийн Агаар, орчны бохирдлын асуудал хариуцсан төслүүдийн удирдагч Д.Ихбаяр мэдээллээ. 

Ub.life 2021.11.29