Засгийн газар аравдугаар сарын 27-ны хуралдаанаас төрийн байгууллагууд шинэ жилийн баяр тэмдэглэхийг хориглох шийдвэр гаргасан. Шадар сайд С.Амарсайхан "Засгийн газар, УОК-оос төрийн байгууллагуудыг шинэ жил тэмдэглэхийг хориглосон. Гэхдээ хүн бүрийг хянах боломж хомс учир хүмүүсийн ухамсраас шууд шалтгаална. Хариуцлагатай албан тушаал хашиж буй төрийн алба хаагчид өөрсдөө анхаарч ажиллах ёстой. Тодорхой баримттай мэдээлэл байвал бид арга хэмжээ авна" гэв.
Харин хувийн хэвшлүүд шинэ жил тэмдэглэх нь чөлөөтэй ч заал дүүргэлт, халдвар хамгааллын дэглэмээ сайтар мөрдөх нь чухал болохыг онцолж байна.
