"KFC"-гийн амттай хумсны будаг
Хонконг дахь "KFC"-гийн салбар идэж болохуйц хумсны будаг зах зээлд гаргаж эхэлжээ.
Хонконг дахь "KFC"-гийн салбар идэж болохуйц хумсны будаг зах зээлд гаргаж эхэлжээ. Эл хумсны будаг хоёр төрлийн өнгөтэй байх ба өнгөнөөс хамаарч амт нь ялгаатай. Улаан өнгөтэй нь халуун ногооны амттай байх бол цайвар шаргал өнгөтэй нь энгийн амттай байх гэнэ.
"Энэ үнэхээр хачирхалтай сонсогдож байж мэднэ. Гэхдээ хумсны будгийг би өөрийн биеэр туршсан. Энэ яг л "КFC"-гийн тахианы мах шиг амтагдах болно. Ийм зүйл яагаад сэдэх болсон талаар хүн бүр л сонирхож байгаа нь лавтай. Манай компанийн зүгээс залуу үедээ зориулж үүнийг сэдсэн. Тэдэнд үргэлж шинэ, сонирхолтой зүйл хэрэгтэй байдаг шүү дээ" хэмээн туc салбарын маркетинг, харилцааны захирал Анна Магглестон ярьжээ.