1 мин

УОК: Омикрон Монголд ирэх нь цаг хугацааны асуудал боллоо

Б.Энхцэцэг 2021.12.22

2

Улсын онцгой комиссоос мэдээлэл хийлээ. 

УОК-ын нарийн бичгийн дарга Т.Баярхүү:

-Коронавирусийн Омикрон хувилбар дэлхийн 100 гаруй оронд тархсан байна. Томуугийн дэгдэлтийн хажуугаар манайд омикрон хувилбар ороод ирвэл хүндрэлтэй байдал үүснэ. Иймд энэ сарын 25-наас эхлэн гадаадаас ирж буй иргэдийг гурав хоног тусгаарлахаар болсон. Энэ хувилбар Монголд орж ирэх нь цаг хугацааны асуудал болж байна. Дэлхийн зарим улс орон хөл хорио тогтоож эхэлсэн. Хэрэв шинэ хувилбар орж ирээд, эмнэлгийн ачаалал нэмэгдвэл хөл хорио тогтоох арга хэмжээ авахыг үгүйсгэхгүй. Гэхдээ Засгийн газар аль болох хөл хорио тогтоохгүйг хичээнэ. 

ХӨСҮТ-ийн дарга Ц.Билэгсайхан:

-Гэрийн тусгаарлалтад байхад нь өрхийн эмнэлгийн тусламжтай шинжилгээ авдаг. Бид цар тахлын гуравдугаар давлагааг давлаа. Томуугийн тархалт шинэ жилтэй давхацдаг, арванхоёрдугаар сарын сүүл, нэгдүгээр сарын эхэн үе байдаг.

Альфа, дельта хувилбар өндөр настай, архаг хууч өвчтэй иргэдийг гол төлөв халдварлуулж байсан бол омикрон шинэ хувилбараар 0-5 настай хүүхдүүд өвдөөд эхэлсэн. Ялангуяа амьсгалын дээд замын өвчлөл үүсгэж байна. Иймд томуу, томуу төст өвчинтэй хавсрах эрсдэл байна.

Б.Энхцэцэг 2021.12.22

2