1 мин

Уиллем Дефо Хоакин Феникстэй хамт Жокерын дүрд тоглох хүсэлтэйгээ илэрхийлжээ

Г.Сүрэн 2022.01.20 2 1 1

"Spider-Man: No Way Home" кинонд Гоблингийн дүрээр ахин тоглосон Уиллем Дефо жүжигчин Хоакин Феникстэй хамт Жокерын дүрийг бүтээхийг хүсэж буйгаа илэрхийлжээ. 66 настай нэрт жүжигчин Уиллем Дефо энэ тухай GQ сэтгүүлд өгсөн ярилцлагадаа дурдсан бөгөөд энэ онд нээлтээ хийх найруулагч Гильермо дель Торогийн "Nightmare Alley" кинонд дүр бүтээж буйгаа ч дэлгэжээ.

Түүнээс "Та муу талын дүр бүтээхдээ дуртай байдаг уу?" гэхэд "Тийм шүү. Дайсны талын дүр бүтээх сонирхолтой. Энгийн амьдрал дээр хийж чадахгүй зүйлсээ хийх боломжтой болдог учраас. Кино урлагийн түүхэнд муу талын бэлгэ тэмдэг болсон Жокерын дүрийг бүтээхсэн гэж хүссээр ирсэн ч энэ тухай өмнө нь дурдаж байгаагүй юм байна. Олон жилийн өмнөөс л хүмүүс надад Жокер тохирно гэж хэлж ирсэн. Өөрөө шууд татагдаагүй ч, сүүлийн үед эрхгүй "Яагаад болохгүй гэж?" гэж бодох болсон. Ялангуяа Хоакин Фениксийн Жокерын дараа түүнтэй хамт тоглох хүсэл их төрсөн. Түүний Жокертой дайтаж, эсвэл хамтрах өөр нэг Жокер байвал ... гэж бодохоос адгамаар" гэжээ. 

Уиллем Дефо бүх цаг үеийн Жокеруудын шүтэн бишрэгч болохоо ч хуваалцжээ. 

Түүнийг ийн ярьсны дараагаар сошиал сүлжээнд Жокерын дүрд тоглохыг нь дэмжин уриалсан постууд ихээр цацагдсан бөгөөд шүтэн бишрэгчид дараах бичлэгийг ч хийж амжжээ. 

Эх сурвалж: Gq-magazine.co

Г.Сүрэн 2022.01.20