Зүрх судасны мэс засалч Б.Болдсайхан тэргүүтэй "Хязгаараас Чинад" багийнхан Киргизэд ажиллаж байна
Зүрх судасны мэс засалч Б.Болдсайхан тэргүүтэй "Хязгаараас Чинад" багийнхан өнөөдрөөс эхлэн энэ сарын 5-нийг дуустал Киргизэд ажиллаж, үзлэг болон шаардлагатай хүүхдүүдэд хагалгаа хийх юм. Тэд өнөөдөр Киргизийн Зүрхний төвд ажиллаж, хагалгааны дараахь нөхөн сэргээх эмчилгээнд байгаа хүүхдүүдийг үзсэн аж. Мөн нэг настай хүүхдэд зүрхний хагалгаа хийжээ.
Үүний дараа маргааш хагалгаанд орох хүүхдүүдэд үзлэг хийсэн байна. Тэд маргааш гурван хүүхдэд хагалгаа хийхээр бэлдээд байгаа аж. Харин тэднийг буцах үед хамт хоёр киргиз хүүхэд хагалгаанд орохоор Улаанбаатарт ирнэ.