1 мин

ШУА-ийн харьяа хүрээлэнгүүдийн номын худалдаа өнөөдөр болон маргааш болно

У.Чинзориг 2022.04.21

“Дэлхийн ном болон зохиогчийн эрхийг хамгаалах өдөр”-ийг тохиолдуулан Үндэсний номын сан, ШУА-тай хамтран “Эрдэм номын чуулган” арга хэмжээг зохион байгуулж байна. Энэ хүрээнд ШУА-ийн харьяа Археологийн хүрээлэн, Олон улс судлалын хүрээлэн, Философийн хүрээлэн, Түүх, угсаатны зүйн хүрээлэн, Хэл зохиолын хүрээлэнгээс гаргасан судалгааны бүтээлүүд болон Үндэсний номын сангаас эрхлэн хэвлүүлсэн номуудын үзэсгэлэн худалдаа дөрөвдүгээр сарын 21, 22-ний өдрүүдэд Үндэсний Номын санд болж байгаа юм.

Та бүхэн уг үйл ажиллагаанд очсоноор судалгааны бүтээлүүдтэй танилцахаас гадна мөн худалдан авах боломжтой ажээ.