1 мин

Жонни Депп 3 жилийн дараа шинэ кинонд дүр бүтээхээр боллоо

Г.Сүрэн 2022.05.04 4

Нэрт жүжигчин Жонни Депп экс эхнэр Амбер Хердтэй үүсгэсэн шүүх хурал, маргааны улмаас шинэ кинонд дүр бүтээлгүй удсан ч франц найруулагч Майвенн Ле Бескийн "Jeanne Du Barry" нэрт шинэ киноны гол дүрийг бүтээхээр болжээ. Тэрээр XV Луис хааны дүрд тоглох бөгөөд Луис Гаррел, Пьер Ричард, Ноеми Львовский зэрэг францын нэрт жүжигчдээс кино баг бүрджээ. 

Эл бүтээл нь найруулагч Майвенн Ле Бескийн 6 дахь кино болно. Түүний 2011 онд найруулсан "Polisse" кино нь Каннын кино наадам тэргүүтэй хэд хэдэн томоохон кино наадмаас шагналыг хүртсэн бөгөөд 2020 онд найруулсан "DNA" кино нь кино шүүмжлэгчдээс өндөр үнэлгээ аваад буй.

Жонни Депп Амбер Хердтэй үүсгэсэн шүүх хурлын улмаас "Fantastic Beasts: The Crimes of Grindelwald" киноны дүрээсээ татгалзсан бөгөөд "Pirates of the Caribbean" киноны 6-р ангид ажиллахаар бүрэн бэлтгэлээ хангасан ч мөн л шүүх хурлын улмаас төсөл нь бүтэлгүйтсэн тухай саяхан мэдээлсэн юм.

Эх сурвалж: Vice

Г.Сүрэн 2022.05.04