1 мин

Ж.Сэнгэдоржийн "Худалдагч охин" кино "New York Asian film festival"-д шалгарлаа

У.Чинзориг 2022.05.05 1 1 1

2

Найруулагч Ж.Сэнгэдоржийн "Худалдагч охин" кино "New York Asian film festival"-ийн "Official selection" хэсэгт шалгарсныг албан ёсоор зарлав. Нью-Йоркийн Азийн кино сангаас жил бүр зохион байгуулдаг уг наадам Ази, Америкийн кино урлагт гүүр болох зорилготой аж. Энэ оны  "New York Asian film festival" долдугаар сарын 15–28-ны хооронд Линкольн төвд зохион байгуулагдана. Уг фестивалийн 20 жилийн ой мөн энэ жил тохиож буй юм.

"Худалдагч охин" кино өнгөрсөн гуравдугаар сард Японы Осака хотноо явагдсан 17 дахь удаагийн Олон Улсын Азийн кино наадмаас эмэгтэй шилдэг гол дүрийн шагналыг хүртсэн билээ. Энэхүү кино наадамд 954 кино ирснээс "Худалдагч охин" “Гран при” цомын төлөө өрсөлдөх 15 киноны нэгээр сонгогдож хоёр удаа дэлгэцнээ гарсан юм.

У.Чинзориг 2022.05.05

2