1 мин

Өмнөд Солонгосын найруулагч Пак Чан Вүкийн ШИНЭ кино нээлтээ хийнэ

Г.Сүрэн 2022.05.06

2016 оны "The Handmaiden" киноноосоо хойш бүрэн хэмжээний уран бүтээл гаргалгүй шүтэн бишрэгчдээ чамгүй хүлээлгэсэн Өмнөд Солонгосын найруулагч Пак Чан Вүкийн "Decision to Leave" нэрт шинэ киноны богино трейлер цацагдлаа. Шинэ кино нь энэ сарын 17-нд болох Каннын кино наадмаар анхлан үзэгчдийн хүртээл болох бөгөөд зургаадугаар сард Өмнөд Солонгост нээлтээ хийх юм.

Пак Чан Вүк нь "Oldboy" киногоороо Каннын кино наадмын Гранд шагналыг, "Thirst" киногоороо тус наадмын Шүүгчдийн нэрэмжит шагналыг тус тус хүртсэн удаатай.

"Lust", "Caution", "Blackhat" зэрэг киноны дүрээр нь бидний сайн мэдэх Хятадын нэрт жүжигчин Танг Вэй болон "The Host", "Memories of Murder" киноны дүрийг бүтээсэн Өмнөд Солонгосын жүжигчин Пак Хэ Ил нар шинэ киноны гол дүрийг бүтээх нь хүлээлтийг бүр ч нэмээд байна.

Киноны тойм тайлбарт "Уулын оройгоос унан үхсэн эрийн үхлийг мөрдөгч Хэ Жун сурвалжлах бөгөөд нас барагчийн эхнэрээс байцаалт авахаар уулзана. Эхнэрийг нь сэжигтнээр татах боловч Хэ Жун түүнд бага багаар татагдаж эхэлнэ" гэжээ.